Rama: PS dhe BE mbështesin Reformën në Drejtësi! Kallas: BE kërkon gjyqësor të pavarur! 

Ndonëse Kryeministri Edi Rama pas takimit me shefen e diplomacisë evropiane u mundua të flas si në Asamblenë Parlamentare të Partisë Socialiste duke deklaruar se PS dhe BE mbështesin Reformën në Drejtësi, Kaja Kallas i bëri të qartë këtij manipulatori në Tiranë që çdo sekondë thotë se do të jetë ai që do të anëtarësoj Shqipërinë në BE, se Bashkimi Evropian nuk kërkon Edi Ramën por sundim të ligjit të fortë dhe një sistem gjyqësor të pavarur, ku qytetarët të shohin që lufta kundër korrupsionit po merret seriozisht dhe po jep rezultate.

Kishte dhe një mesazh të qartë për shit-blerësin e votave, Përfaqësuesja e Lartë për Politikë të Jashtme dhe Siguri në BE, Kaja Kallas, se paratë e taksapaguesve duhet të shkojnë në vendet dhe projektet e duhura, duke u siguruar që investimet e bëra për forcimin e sistemit të drejtësisë të përdoren siç duhet.

“Ne e duam Europën, që të gjithë të jenë të barabartë përpara ligjit. Ne sot po bëjmë ushtrimin për të pasur barazi para ligjit. Që nga 1912, ne s’kemi pasur rast që një person me pushtet politik të gjykohet në mënyrë të pavarur. Ne s’e kemi njohur çfarë është barazia para ligjit. Barazia para ligjit do të jetë e pakthyeshme. Nëse bëhemi pjesë e BE-së, kjo është e garantuar për ne.

Kjo mazhorancë e ka mbështetur reformën në drejtësi dhe BE e ka mbështetur këtë reformë tepër të rëndësishme. Jam shumë krenar.

Ne do të vijojmë të mbështesim procesin e barazisë para ligjin. Aleanca me BE është një garanci absolute sepse BE ka dijet dhe instrumentet për të na lehtësuar procesin që pa ata do të ishte i pamundur,” tha Edi Rama duke folur se me klientat e tij Sy m’Sy por mesazhet e Përfaqësueses së Lartë për Politikë të Jashtme dhe Siguri në BE, Kaja Kallas, ishin shumë qarta.

“I dashur Edi. Ju jeni i dobishëm edhe për stabilitetin në rajon. BE është e angazhuar për të fuqizuar raportet me Shqipërinë. Ne kemi nënshkruar partneritetin bashkëpunues mes Tiranës dhe BE-së për sigurinë dhe mbrojtjen. Ne po thellojmë bashkëpunimin edhe në sektorin e sigurisë. Ne duam të shtojmë bashkëpunimin në luftimin e terrorizmit dhe të sulmeve kibernetike.

Shqipëria ka agjendë ambicioze që të përmbyllë negociatat me BE brenda 2027. Shqipëria s’ka rrugë të lehtë, duhet të bëjë reformat. E ardhmja e Shqipërisë është në BE. Sundimi i ligjit është shumë i rëndësishëm. Shteti i së drejtës është themeli i BE-së dhe begati për një vend,” tha Kaja Kallas duke sqaruar Edi Ramën se periudha e dashurisë me Brukselin për hirë të stabilokracisë ka marrë fund tani duhet të bëhen edhe reformat.

Dhe jo vetëm kaq! Për abuzimin e Edi Ramës me anëtarësimin e Shqipërisë në Bashkimin Europian, Kallas kishte dhe një kush të cilin Kryeministri nuk po e plotëson që 12 vjet, por që për këtë qëllim është i domosdoshëm, sioç tha shefja e dipplomacisë evropiane, bashkëpunimi i të gjithë spektrit politik.

“Unë vij nga një vend që e kryer udhëtimin drejt BE dhe tashmë është anëtarësuar. Për anëtarësim duhet bashkëpunimi i të gjithë palëve pasi janë shumë reforma të vështira që duan përkrahje të plotë. Ajo që kuptoj është që në Shqipëri qytetarët e japin mbështetjen për anëtarësimin gjerësisht. Kjo është një gjë që shqiptarët duan ta arrijnë, për këtë duhen reforma të vështira,” tha Kaja Kallas duke i shuar ëndërrën e anëtarësimit në grup, siç e projektojnë rilindasit Shqipërinë si rastin e Rumanisë, në rrethanat gjeopolitike aktuale ndërsa përfundon”

“BE kërkon sundim të ligjit. Gjykatat të kenë pavarësi dhe qytetarët duhet të shikojnë që të gjithë po e marrin seriozisht luftën kundër korrupsionit. Paratë e taksapaguesve të shkojnë aty ku duhet.”

Kallas u ndal edhe tek nënshkrimi i marrëveshjes për financimin e projektit të hekurudhës Durrës – Rrogozhinë, pjesë e Korridorit VIII, për të cilin projekt tha se do të sjellë përfitime të mëdha për Shqipërinë, duke krijuar vende të reja pune, rritur tregtinë dhe forcuar lidhjet me fqinjët dhe Bashkimin Europian.

“U nënshkrua sot marrëveshja për hekurudhën Durrës – Rrogozhinë. Projekti do të sjellë vende të reja pune, më shumë tregti e do t’ju lidhe me shumë me fqinjët dhe BE-në. Do të jetë një korridor i duhur mes vendeve anëtare dhe NATO për mobilitetin ushtarak, shumë i rëndësishëm ky për momentin ku ndodhemi,” tha Kaja Kallas.

Sot, shefja e diplomacisë evropiane zhvilloi takim edhe me ministrin e Jashtëm, Igli Hasani, dhe, Presidentin Bajram Begaj.

Ndryshe, Përfaqësuesja e Lartë për Politikë të Jashtme dhe Siguri në BE, Kaja Kallas, turin e saj në Ballkanin Perëndimor e përfundon nesër me pikën më të nxehtë të rajonit, Bosnje Hercegovinë.