Rama publikon certifikimin e maskave, Basha: E pranoi, ishin të skaduara!

Përkundër kërkesës së Ambasadës amerikane që të bashkohen në frymë dhe veprim, Kryeministri Edi Rama vazhdoi debatin për maskat duke u munduar të sqaroj përmes publikimit të një certifikimi ndërkombëtar se maskat nuk janë të skaduara, veprim të cilin Kryetari i Partisë Demokratike Lulzim Basha e konsideroi si pranim të vërtetës, pra, maskat janë të skaduara!

Pas këtij prezantimi të Edi Ramës, reagoi Lulzim Basha përmes rrjetit social Twitter.

“Më në fund e pranoi të vërtetën. Maskat janë të skaduara. Si të tilla ato nuk mund të jenë masë mbrojtëse për personelin mjekësor. Edi Rama mblidh mendjen dhe siguro jetën e qytetarëve! Lëri lojrat e fjalëve dhe fokusohu tek problemi kryesor që kanë sot shqiptarët,” tha Lulzim Basha duke përfunduar:

“Nuk jemi në luftë, jemi në situatë emergjence që kërkon seriozitet dhe përgjegjshmëri. Dhe jo shfaqje me maska të skaduara mbi fytyra të skaduara.”