Rama: Reforma në drejtësi do merret me politikanë dhe biznesmenë, mos refuzoni vendet e punës

By Pa frike Last updated Qer 9, 2018 112

Kryeministri Edi Rama i ka drejtuar një apel qytetarëve shqiptarë që të denoncojnë në platformën online të bashkëqeverisjes problemet që kanë, duke premtuar jo vetëm zgjidhje, por edhe ndëshkim të punonjësve të administratës që kanë shkelur ligjet. Në këtë kuadër, Rama tha se janë ndërmarrë masa administrative për 150 punonjës të administratës.

Gjatë turit të llogaridhënies në Lushnje, Rama u ndal tek reforma në drejtësi, për të cilën tha se mazhoranca po shtyn proccesin edhe për faktin se shumica e ankesave kanë të bëjnë me vendimet gjyqësore.

“Një pjesë e ankesave që kemi marrë lidhet me proceset gjyqësore dhe kjo është arsyeja pse ne po shtyhemi fortë për të bërë reformën në drejtësi për të pastruar sistemin nga prokurorët dhe gjyqtarët e korruptuar. Një pjesë e tyre përjashtohen për shkak të mosjustifikimit të pasurisë, por mos mendoni se do të mbarojë këtu, por dua të kujtoj se “dardha e ka bishtin pas”. Reforma do të merret me të gjithë, politikanë e biznesmenë”, tha Rama.

Sa i përket punësimit, Rama tha se është një nevojë e madhe që papunësia vazhdon të jetë një problem, por ne jemi në një proces dhe vetëm nga zyrat e punës synojmë që deri në fund të vitit të kemi më shumë se 25 mijë vende të reja pune.

Një vajzë e re iu ankua Kryeministrit duke i thënë se ka mbaruar një fakultet dhe ende nuk ka mundur të gjejë një punë në profilin për të cilin ka studiuar.

Në përgjigjen e tij, kreu i qeverisë Rama i tha se ky është një fenomen global. Rama tha ka edhe në Londër, Paris, apo qytetet të tjera të zhvilluara, ku “nëse shkon, do gjesh kamarierë me diplomë”.

“Nëse do shikoni mesataret e raportit mesatare – punësim në vendet e BE, do shikoni që raportet janë komplet befasuese”, tha Rama, i cili e këshilloi vajzën që edhe nëse nuk arrinte gjente një vend pune në profilin ku kishte studiuar, të mos refuzonte një alternativë tjetër.

“Normalisht vjen pas disa ditësh, dikujt mund ti vijë menjëherë, ok. Në parim e kam. Çdo punë të mëson”, tha Rama.