Rama shkarkon kryebashkiakun e Vaut të Dejës, pritet shkarkimi i Kryeministrit…
Propozimin e Ministrit të Brendshëm, Sandër Lleshaj, për shkarkimin e Kryetarit të Bashkisë Vau i Dejës, me pretekstin e djegies një dite më parë të KZAZ në këtë zonë, Edi Rama e ka firmosur menjëherë.
Pasi paralajmëroi kryebashkiakët se për situata të tilla do të përballen me ligjin dhe duhet të lexojne Kodin Penal, Edi Rama ka firmosur vendimin, duke u mburrur edhe me postimin në rrjetin social Twitter.
Bazuar në këtë logjikë të Edi Ramës, pritet shumë shpejtë edhe shkarkimi i Kryeministrit, i cili i vuri flakën gjithë Shqipërisë!
Ja postimi i Ramës:
Zef Hila, haxhiqamilisti i Vaut të Dejës, jo vetëm u shkarkua po do të ndiqet penalisht, për aktin barbar të djegies së shkollës dhe djegies së materialeve zgjedhore!
Kush do ta ndjekë shembullin e tij, do të ketë të njëjtin fat dhe do të përballet me drejtësinë.
