Ramaduro shpejt do t’i bëjë shoqëri Maduros në qelitë amerikane!
nga Prof.Dr.Enver Bytyçi
Forcat e ndërhyrjes së shpejtë amerikane „DELTA“ ndërhynë dhe arrestuan presidentin e Venezuelës, Nikolas Maduro së bashku me gruan e tij, tek po largoheshin nga vendi për shkak të sulmeve amerikane. Në vend që të qëndronte dhe të ishte në krye të qëndresës, Maduro zgjodhi mundësinë për t’u arratisur nga vendi i tij nga frika e ndëshkimit amerikan. Por amerikanët e kapën, e arrestuan dhe e nisën me postë drejt SHBA-ve, siç thuhet, për ta dënuar për shkeljen e ligjeve amerikane e ndërkombëtare në trafikun me narkotikë.
Ky akt i mdërhyrjes amerikane është i paprecedentë në historinë tone moderne. Një president në detyrë u sulmua e pastaj u kap dhe u arrestua në tentativë arratisjeje për diku larg vendit të tij. Nuk kishte ndodhur kjo më pare. Tani ndodhi. Po a do të jetë precedent dhe përvojë për rastet e tjera? Përshembull për kryeministrin e Shqipërisë, Edi Rama, për të cilin SHBA-të kanë zbuluar se:
– Ka korruptuar zyrtarë të lartë amerikanë, si McGonigal, për llogari të korrupsionit dhe përfshirjes së tij në akte kriminale e në bashkëpunim me bandat e mafies e të krimit të organizuar! Madje dhe për llogari të kompanive ruse të sanksionuara!
– Se ka bashkëpunuar me grupet terroriste mafioze si Sinaloa dhe me këtë akt ka dëmtuar interesat amerikane dhe shkelur ligjin amerikan e ndërkombëtar, njësoj si edhe Maduro!
– Se ka vënë nën kontrollin e krimit të organizuar dhe organizatave mafioze të dhënat sensitive të qytetarëve shqiptarë dhe të huaj, si dhe informacionet shtetërore në rastin e AKSH-t të kontrolluar nga koordinatori mafioz i Edi Ramës me emrin Ervis Agasi e të tjerë!
– Se ka paguar partnerin e tij për të marrë pjesë kundraligjshëm në një ceremoni me presidentin amerikan, Barak Obama!
– Se ka favorizuar në biznesin shqiptar si invetitorë strategjikë dhe konsensionarë biznesmenë e sipërmarrës të sanksionuar prej SHBA-ve, të cilët cenojnë interesat amerikane në Shqipëri, rajon e në Evropë!
– Se ka favorizuar dhe mbështetur Belinda Ballukun në veprimtarinë e saj kundër interesave strategjike amerikane në investimet në Shqipëri dhe në marrëdhëniet me shtete jo mike të SHBA-ve!
– Se është korruptuar në përpjekjet e tij për të lëshuar portin e Romanos në duart e anti-perendimorëve dhe për t’ia dhënë portin e Durrësit një manjati arab, gjë që nuk ka ndodhur në asnjë kohë në Shqipëri, madje as në kohën kur diktatori Hoxha i kishte “shpallur luftë” Shteteve të Bashkuara të Amerikës!
Nuk kanë fund arsyet pse presidenti Trump do të mund të urdhëronte një ditë arrestimin e Edi Ramës, së bashku me Lindën, në dyert e avionit të ri, të cilin ai e përfitoi “falas” nga Rexhep Tayp Erdogan. Edi Rama është tashmë në shënjestër të Deltianëve amerikanë, të cilët thuhet se prej disa vitesh janë instaluar edhe në Shqipëri. Se kur i vjen dakiku, këtë e di vetëm Donald Trump.
Është krejt e pamundur që një lider, si Edi Rama, i lidhur aq ngushtë me mafien, krimin e organizuar dhe organizatën ekstremiste të Georg Sorros t’i shpëtojë hakmarrjes së Donald Trump. Thjesht është ky një aksion që duhet kryer pa bujë, pa zhurmë, pa sulme ajrore, pa tanke, pa dronë, pa asgjë nga ato që shqetësojnë qetësinë publike të shqiptarëve. Sepse në SHBA e dinë që shqiptarët nuk janë fajtorë. Ata janë viktima e një investimi disa dekadash të mashtrimit mafioz të Soros dhe presionit të madh në kushte mbijetese!
Edi Kristaq Rama është i vetmi që duhet të paguajë për dramën e jashtëzakonshme që u ka shkaktuar shqiptarëve dhe për hiletë e djallëzitë e tij në marrëdhëniet me Shtetet e Bashkuara të Amerikës. Koha e Ramaduros është në limitet e fundit. Maduro dhe Ramaduro janë njësoj, janë një model, janë një sekt kundër drejtësisë, kundër lirisë dhe kundër demokracisë! Ramaduro dhe bashkëshortja e tij do të jenë komshi me Maduron dhe gruan e tij në qelitë amerikane! Ky është precedenti që do të përcillet nga rasti i Venezuelës!
