Raporti final i OSBE/ODIHR, Basha: PD, nuk i pranon si legjitime zgjedhjet e 25 Prillit!

Pas publikimit të Raportit final të OSBE/ODIHR, Kryetari i Partisë Demokratike, Lulzim Basha, në një dalje publike tha që Raporti konfirmon se 25 prilli ishte një masakër zgjedhore dhe PD nuk do i pranojë si legjitime zgjedhjet.

“Pjesa dërrmuese e shqiptarëve e dinë se 25 prilli nuk kishte asnjë lidhje me demokracinë dhe zgjedhjet e lira. Raporti konfirmon se 25 prilli ishte një masakër zgjedhore, këtë e kemi thënë prej ditës së parë. Këtë tashmë e di e gjithë bota demokratike sepse ky raport është vula e turpit mbi vjedhjen më të madhe në historinë e pluralizmit.

Blerje masive të votave, e kemi thënë ne e konstaton edhe raporti, shkrirja në një e partisë në pushtet, e kemi thënë ne e konstaton edhe raporti, keq përdorimi i aseteve publike, abuzimi me pushtetin, rritje fiktive e punësimeve në administratë për qëllime elektorale, e kemi thënë ne e konstaton edhe raporti, përdorimi i fondeve të rindërtimit, legalizime në këmbim të votës, vjedhja e të dhënave private dhe ngritja e sistemit kriminal të patronazhistëve, e kemi thënë ne e konstaton edhe raporti e vijon thellohet kjo dramë sic ishte rasti i patronazhistit trafikantë droge. Ndryshimi i fletës së votimit që solli një numër rekord votash të plavefshme.

Para dhe pas 25 prillit PD i ka denoncuar krimet zgjedhore. Kemi depozituar 185 padi në SPAK por prap në vijim të traditës së pandëshkueshmërisë së dosje 184 dhe 339, asnjë nga krimet elektorale nuk është ndëshkuar. Sot hetimi për blerjen e votës, është një nga rekomandimet e OSBE si një prioritet për zgjedhje të lira.

Nuk po fërkojmë duart se na doli fjala. Sepse më 25 prill nuk ishte PD që u dëmtua, por Shqipëria dhe shqiptarët e ardhmja e tyre që mori një goditje të rëndë. Sot shumica dërrmuese e shqiptarëve duan ndryshimin.”- u shpreh ndër të tjera Basha.

“Raporti i ODIHR konfirmoi se 25 prilli nuk zgjidhi asgjë për shqiptarët, as për ata që votuan partinë në pushtet, as për ata që zgjodhën opozitën. Një pushtet që buron nga zgjedhje të vjedhura nuk ofron asgjë përveçse krim, korrupsion, kapje të mëtejshme të shtetit. Kush do ta ndryshojë situatën? Këta që ja falën pasuritë e vendit një grushti oligarkësh, këta që japin çdo qindarkë me PPP për klientët e tyre, duke ja lidhur borxhin në qafë brezit të ardhshëm? Përgjigja është një dhe e vetme: Jo, kurrë! Këta nuk janë zgjidhja, por problemi,” tha Basha gjithsesi kjo situatë ka një zgjidhje:

“Zgjidhja është hapja e rrugës për zgjedhje të lira e demokratike. Ky raport i ndan në mënyrë të qartë palët në këtë përballje, nga njëra anë është regjimi, autorët e masakrës zgjedhore, dhe nga ana tjetër jemi ne, opozita dhe shumica e shqiptarëve, që nuk pajtohen me këtë model shkatërrimtar për vendin dhe të ardhmen tonë.”

Edhe sot Kryetari i PD përsëriti refrenin se PD tashmë është shumë më e fortë në përballje me regjimin.

“Përkundër masakrës zgjedhore, shqiptarët i kanë dhënë PD më shumë forcë dhe vendosmëri për ta çuar deri në fund përballjen me regjimin. Këtë betejë se bëjmë për vetën tonë, për PD, por për Shqipërinë dhe shqiptarët. Të dëmtuarit e mëdhenj, të dëmtuarit e 25 prillit. Do të përdorim të gjithë forcën në të gjitha formulat, me të gjithë miqtë e Shqipërisë që e duan vendin demokratik më pranë Evropës. Këtë me qëllimin e madh që Shqipëri a të ecë përpara dhe raporti i 25 prillit t’i përkasë së shkuarës dhe jo të ardhmes.

25 prilli ka treguar që shteti është futur në gërmadhë. Mekanizmi për t’i kthyer në shërbim të njerëzve është prishur për shkak të masakrës zgjedhore të 25 prillit. Rekomandimi 1 ka të bëjë me ndryshimet e njëanshme të kushtetutës. U krye jo thjesht duke përjashtuar opozitën, por u krye në kuadër të një plani të mirëmenduar për t’i dhënë partisë në pushtet avantazhe të pamerituara. Pak më pak se 16 vite angazhim aktiv në politikë, e në 30 vite demokraci, s’mbaj mend që të kërkohet që shteti të sigurojë të drejtën për zgjedhje të lira.

Kjo thotë që shteti ka asgjësuar votën e lirë dhe të fshehtë. Apo ata kërkuan hetimet për rastet e vjedhjes ë votave. Kjo do të thotë që më 25 prill ka rënë demokracia. Nëse shteti kishte siguruar zgjedhje të lira, pse do të ishte rekomandimi 2 i ODIRIT. Në asnjë vend demokratik s’mendohet një gjë e tillë.”

Detyra para nesh është më e madhe, tha Lulzim Basha, se sa ribërja e një reforme zgjedhore të standardeve demokratike.

“Detyra është që duke pranuar krizën e thellë që ndodhet sot demokracia, të bëjmë gjithçka që aspiratat e shqiptarëve të gjejnë një akt dhe çdo veprim, në çdo aksion të opozitës, brenda dhe jashtë parlamentit. Këtu përfshihet detyrimi për t’i dhënë të gjithëve një kod zgjedhor që garanton votën e lirë.”

Fusha e betejës së PD, sipas tij, do të jetë pushteti vendor dhe raporti i OSBE, që përmes reformave pushteti ti rikthehet qytetarëve.

‘’Kjo është betejë që na takon të gjithëve. Të gjithë kanë rolin e vet, drejtësia ka rolin e vet. Pavarësisht ping-pongut të dosjeve 184 dhe 339, pavarësisht faktit se dita kur doli raporti u liruan disa personazhe të 339. PD ka rolin e vet, gjithë lufta jonë, ekzistenca jonë ka qenë për ti shërbyer njerëzve. Nuk mund të ketë ekonomi, arsim, shëndetësi.

E gjithë kriza është produkt i dështimit të demokracisë shqiptare nag partia në pushtet. Pushteti vendor është një nga hallkat siç e përshkruan dhe raporti i OSBE, do të jetë një nga fushë betejat që përmes reformave dhe zbatimit të reformave që pushteti ti rikthehet qytetarëve. Fokusin ta mbajmë tek raporti,” tha Basha duke folur dhe për raportin që ka me ndërkombëtarët:

“Puna jonë me partnerët ndërkombëtare nuk ka rreshtur dhe nuk rresht. Përballë kemi një kundërshtar që nuk kursen askënd. Për të mbajtur me padrejtë shtetin, vendin dhe njerëzit në kurthin e riciklimit të vazhdueshëm të gënjeshtrave. Tek partnerët kemi patur përherë mbështetje dhe mirëkuptimin sa herë ato vlera që na bëjnë bashkë na cënuan. Raporti është edhe kontribut i partnerëve, ndonëse në kushte pandemie u angazhuan dhe dërguan vëzhgues. Bashkë me ta të çojmë përpara një interes që nuk është vetëm i PD dhe opozitës, por i Shqipërisë dhe atyre që për 31 vite kanë investuar për demokraci, shtetin e së drejtës, mirëqenien e shqiptarëve. Këto janë kauza që na bashkojnë. Presim, kemi besim se me partnerët tanë do të zhvillojmë ura dialogu e bashkëpunimi për një platformë për ti rikthyer vendin legjitimitet.’’

Partia Demokratike, tha Basha, do të përqendroje të gjitha forcat për të rikthyer demokracinë në vend ndërsa inkurajojë qytetarët që të denoncojnë të gjitha rastet e krimeve elektorale.

“Shqipëria s’ecën përpara konsoliduar demokracinë. Jo me një shtet të kapur duke goditur interesin e shqiptarëve. Ne do të përqendrojmë betejën tonë në të gjitha frontet dhe forumet. Kjo është një betejë për shqiptarët. Kjo s’do të jetë rrugë e lehtë dhe një rrugë që PD do e përshkojë e vetme. Ne do të hedhim të gjitha hapat për bashkëpunim intensiv me forcat e qeverisë, me çdo fushë, nga sipërmarrja te elita e mendjes dhe shpirtit të shqiptarëve. Nga të rinjtë, të papunët, te fermerët, sipërmarrja e vogël dhe e mesme, mësuesit, sektorin e shëndetësisë. Një aleancë me gazetarinë me integritet për t’u përballur me këtë gjendje të rëndë të këtyre 31 viteve pluralizëm dhe demokraci. Ajo që na pret është betejë, që zhvillohet në të gjitha mënyrat, do të jemi të hapur jo vetëm të kontribuojmë për të kthyer rrugën e demokracisë, por edhe të dëgjojmë, e të bëhemi zëri atyre që ndihen të papërfaqëasuar dhe gënjyer nga ajo që ky regjim i ka bërë vendin të tyre dhe atyre vetë si individ. Kemi moment të rëndë për vendin, e zezë mbi të bardhë ndaj atyre që kemi thënë.

Jemi plot besim se një pakicë e vogël që ka marrë përsipër të ndalojë të ardhmen e Shqipërisë s’e ka vendin aty ku ndodhet, por vend tjetër. Do të ketë një partneritet me miqtë tanë euroatlantik, është për ne forma dhe mënyra për ta çuar përpara. Shqipëria s’do të kthehet me fytyrë nga Lindja,” tha kreu i PD duke shtuar se beteja e Partisë Demokratike do të jetë fare e thjeshtë, që shumicës t’i japim zë dhe t’i rikthejmë vendimmarrjen ndërsa përfundoi”

“Vendimmarrja është në duart e sovranit. Paligjshmëria ka të bëjë me blerjen e votës, me qytetarëve. Mbrojta e votës s’është detyrë vetëm e PD por e gjithë qytetarëve, ky është aspekt që PD do e shtrijë kudo e do ta forcojë si një detyrë të lartë patriotike dhe ligjore. E kundërta përbën krim. Të shohësh krim zgjedhor dhe të mos e denoncosh është një vepër penale. Përtej ligjeve kuptohet qartë që paligjshmëria ndodhet në njërën anë.”

Kryetari i Partisë Demokratike tha se do të vijojë betejën kundër qeverisë së Edi Ramës por nuk saktësoi nëse do të ketë protesta në shtator.

“Kasandrave që parashikojnë se çfarë do të ndodhë në katër vitet e ardhshme ju them se dhe katër ditë janë një kohë e gjatë. Ne do të intensifikojmë përballjen, do të bëjmë aleancë me shumicën e shqiptarëve. 25 prilli nuk është çështje mandatesh, por çështje ndalimi të paligjshëm të ndryshimit, që shumica e shqiptarëve e dëshironin atëherë, dhe e duan edhe më shumë sot. Detyra jonë nuk është thjesht të ofrojmë programin për të nesërmen, por edhe t’i japim zë, forcë e fuqi kësaj shumice shqiptarësh që duan edhe më shumë ndryshimin e ndaluar përdhunshëm më 25 prill, me të gjitha format dhe mënyrat,” është shprehur Basha ndërkohë i pyetur nëse do të nisni protesta shton:
“Sot vëmendja e shqiptarëve duhet të mbetet te ky certifikim i qartë i dështimit më të madh në 30 vite pluralizëm për të garantuar votën e lirë e të fshehtë. Detyrat tona janë të qarta, detyra e drejtësisë është e qartë dhe ne do vazhdojmë të insistojmë që ajo ta përmbushë këtë detyrë. Ne presim jo thjesht hetime me ritëm të lartë, duke filluar nga koka dhe jo nga bishti, por edhe transparencë për këto hetime, jo vetëm para PD, por edhe para qytetarëve, që janë dëmtuesit më të mëdhenj nga masakra zgjedhore. Ju garantoj që PD asnjëherë nuk është stepur para asnjë vendimi për të përmbushur detyrën e saj para shqiptarëve dhe demokracisë dhe nuk do të stepet as sot, kur nevoja për demokraci është më e madhe se kurrë.”

Po si do ta vijojë betejën Partia Demokratike? Lideri i saj sqaron:

“Vjedhja e zgjedhjeve nuk është dramë e PD, por dramë shoqërore, një dramë me shumë akte. Efektet nuk janë teorike, rritja e papunësisë, e kriminalitetit, mungesa e një dere për të trokitur në shtet për të zgjidhur problemet për njerëzit, grabitja e pronave publike, goditja e biznesit, e sipërmarrjes, shkallimi i sistemit arsimor, janë aktet pasuese të dramës që nis me tjetërsimin e vullnetit të qytetarëve. Këtë tjetërsim e ka bërë një regjim, jo i vetëm Edi Rama. Bashkëpunëtorët e Ramës dihen, një pjesë e tyre njihen prej vitesh, që kur i nxorën përgjimet e dosjeve 184 dhe 339. Prandaj, nuk mendoj se do të ketë ndonjë surprizë për publikun të qëndrimeve tona, pasi ne kemi vetëm një qëndrim, ndaj kësaj masakre zgjedhore dhe pasojave që sjell për shqiptarët, ne do të kemi vetëm betejë. Përpara nuk kemi thjesht një dështak, por kemi një përsëritës serial, prandaj e kam cilësuar si armik të demokracisë, të interesit të shqiptarëve, duke përfshirë këtu edhe vetë anëtarët e partisë së tij,” tha Basha duke e konsideruar se nuk është realiste të thuash se PD do të presë radhën tjetër, pra pas 4 vitesh dhe nuk ka për të qëndruar duarkryq tashmë.

‘’Gjendja në vend sa vjen e përkeqësohet, në vend të stabilizohet apo përmirësohet. Formula e stabilizimit pa demokraci nuk funksionon në Shqipëri. E shohim në vuajtjet e përditshme, plagët në familje, depresionin psikologjik që shoqëron varfërimin. Të thuash që para kësaj PD të presë radhën, nuk është realiste. Nuk kemi qëndruar për asnjë ccast duarkryq, të paduruar kemi qenë dhe mbetemi, por jo për veten tonë. Të paduruar për ti dhënë fund varfërisë, pabarazisë.’’

Kryetari i PD, Lulzim Basha, nuk pranoi të komentoi largimin e anëtarëve të Kryesisë së bashku me Kryetarin e PD Dega Korçë, ashtu si dhe interesimet tjera të gazetarëve me arsyetimin se nuk do që ta heq vëmendjen nga kjo ditë e rëndësishme nga Raporti i OSBE/ OHDIR, që duhet të jetë shqetësimi i çdokujt që i qëndron shumicës dhe jo pakicës.

Me këtë rast Kryetari i PD, Lulzim Basha, tha se PD nuk do i pranojë si legjitime zgjedhjet që sapo lamë pas, ndërsa shtoi se do të bëjnë gjithçka për të rikthyer demokracinë në vend, që sipas tij, mungon .

“Nuk pranojmë si legjitime zgjedhjet e 25 prillit. Por beteja për të rikthyer demokracinë do të bëhet në të gjithë frontet, në Parlament, në mënyrë demokratike. PD dhe opozita disponon mjetet për të kthyer demokracinë dhe s’do të stepet para kësaj beteje. Është sfida e të gjithë familjarëve për ta dhe fëmijët e tyre. Pavarësisht se secili prej nesh do të bëj betejën e vet, edhe në kushte të vështira, edhe më të vështira se politika. Prapë se prapë, garancia e vetme për ta çuar betejën deri në fund, është PD. Këtë betejë të pabarabartë u futëm pa asnjë pushtet, ne jemi te ndryshimi dhe te PD si një instrument ndryshimi.”