Raporti/ Gjermania premtoi 1 milion makina elektrike në rrugë, deri në vitin 2020. Dështoi…
Gjermania nuk do të mund të realizoj premtimin e dhënë për 1 milion makina elektrike në rrugë, deri në vitin 2020. Afati është shtyrë deri në vitin 2022 për shkak të çmimit të lartë dhe pikave të pamjaftueshme të karikimit, vlerësojnë këshilltarët në qeverinë gjermane.
Grupi këshilldhënës, NPE, ka publikuar raportin e zbatimit të këtij plani, ku theksohet se numri i parashikuar i makinave elektrike mund të arrihet vetëm në vitin 2022.
Në fillim të vitit 2018 nëpër rrugët gjermane ishin vetëm 98.820 makina elektrike.
NPE është duke vëzhguar situatën në tregun e makinave elektrike që nga vitit 2010, kur propozuan shifrën e 1 milion makinave deri në vitin 2020, dhe e cila u miratua nga qeveria gjermane.
Nuk ka befasi
Publikimi i këtij dështimi nga Berlini nuk ka befasuar njeri sepse edhe vetë kancelarja gjermane Angela Merkel vitin e kaluar e ka pranuar se ky qëllim nuk është i mundshëm të arrihet.
NPE thekson se janë disa shkaqe duke përfshirë këtu çmimin e lartë të makinës elektrike krahasuar me makinat klasike dhe oferta me shumë pak modele.
Dhe, mungon infrastruktura, duhen më shumë pika karikimi për makina elektrike.
Por Kancelarja gjermane vazhdon të jetë optimiste: “Po përparojmë. Kemi arritur të vendosim një treg të madh, e tani na duhet ta zgjerojmë,“ tha Merkel pasi u bë publik raporti.
