Raporti i BERZH, Basha: Ramavirusi paguan oligarkët dhe jo bizneset!

Pas publikimit të raportit të Bankës Europiane për Rindërtim dhe Zhvillim, BERZH, “Perspektiva Ekonomike Rajonale në rajonet e BERZH”, i cili për vitin 2020 parashikon që ekonomia shqiptare do të bjerë me -9%, ka reaguar Kryetari i Partisë Demokratike, Lulzim Basha, duke theksuar se me paratë e shqiptarëve, Ramavirusi zgjodhi të paguajë miqtë e tij oligarkë dhe jo njerëzit e bizneset.

“Ekonomia jonë pritet të tkurret me 9%, më keq se në çdo vend tjetër, sepse RAMAVIRUSI zgjodhi të paguajë me paratë e shqiptarëve miqtë e tij oligarkë dhe jo njerëzit e bizneset,” thekson Lulzim Basha në reagimin e tij përmes rrjetit social Twitter duke përfunduar:

“Prej Ramavirusit njerëzit janë sot pa punë, të varfëruar dhe pa asnjë mundësi të përballojnë krizën!”

Ndryshe, sipas raportit të Bankës Europiane për Rindërtim dhe Zhvillim, “Perspektiva Ekonomike Rajonale në rajonet e BERZH”, i cili u publikua sot, rënia e ekonomisë shqiptare me -9% për vitin 2020, është më e thella në rajon dhe në gjithë vendet në zhvillim pjesë e BERZH, me përjashtim të Libanit me -11%.