Raporti i DASH, Rama shqetësohet për deklaratat e opozitës jo qeverinë e korruptuar që ka
Pas publikimit të Raportit të DASH për të drejtat e njeriut në Shqipëri, Kryeministri Edi Rama u shqetësua me deklaratat e opozitës se “raporti kishte konfirmuar denoncimet e tyre” dhe jo faktin se raporti për vitin 2021 konstaton ndër të tjera se korrupsioni i përhapur në të gjitha degët e qeverisë dhe institucionet lokale.
“Paska plasur peshku për një raport vjetor të DASH se Amerika na paska thënë më në fund ato që opozitërat paskan thënë që në fillim,” thekson Edi Rama në reagimin e tij përmes rrjetit social Twitter duke përfunduar:
“Kush e lexon çdo vit këtë raport e di që është aq shumë copy-paste i vitit më parë sa nuk figurojnë as arritjet qëDASH i ka thënë gjatë vitit.”
Ndryshe, Departamenti amerikan i Shtetit, DASH, thotë se çështjet kryesore lidhur me të drejtat e njeriut në Shqipëri gjatë vitit 2021 ishin “problemet me pavarësinë e gjyqësorit ndërsa vazhdonte procesi i vetingut; kufizimet e lirisë së shprehjes dhe shtypit; dhe korrupsioni i përhapur në të gjitha degët e qeverisë dhe institucionet lokale”.
