Raporti i EuCham, Basha: Me Ramën, Shqipëria u bë ndër vendet më të korruptuara!

Pas publikimit të raportit të fundit të EuCham, që e rendit Shqipërinë ndër tre vendet e fundit në Evropë për të bërë biznes, ka reaguar Kryetari i Partisë Demokratike, Lulzim Basha, duke theksuar se kjo konfirmon qartë se qeveri ka dështuar dhe me Edi Ramën, Shqipëria u bë ndër vendet më të korruptuara.

“Sot kriza është shtrirë në çdo hallkë të ekonomisë. Me Ramën, Shqipëria u bë ndër vendet më të korruptuara, me taksat më të larta në rajon, më pak tërheqëse për investime,” thekson Lulzim Basha në reagimin e tij përmes rrjetit social Twitter duke shtuar se vendit sot i duhet një model i ri ekonomik, me taksa të ulëta, mbështetje për sipërmarrjen, stimulim për investimet dhe bizneset që hapin vende pune.

Me planin e Partisë Demokratike, tha Kryetari i PD, Lulzim Basha, ne do të kemi taksën e sheshtë 9%, do të luftojmë konkurrencën e pandershme dhe korrupsionin, ndërsa përfundoi duke folur për investime dhe mundësi punësimi:

“Do ti japim frymëmarrje ekonomisë për të sjellë investime, mundësi punësimi me të ardhura dinjitoze dhe jetë më të mirë për të gjithë shqiptarët.

Reagimi:

Raporti i fundit i EuCham që e rendit Shqipërinë ndër tre vendet e fundit në BE për të bërë biznes, konfirmon qartë se kjo qeveri ka dështuar: sot kriza është shtrirë në çdo hallkë të ekonomisë.

Me Ramën, Shqipëria u bë ndër vendet më të korruptuara, me taksat më të larta në rajon, më pak tërheqëse për investime. Vendit sot i duhet një model i ri ekonomik, me taksa të ulëta, mbështetje për sipërmarrjen, stimulim për investimet dhe bizneset që hapin vende pune.

Me planin tonë ne do të kemi taksën e sheshtë 9%,do të luftojmë konkurrencën e pandershme dhe korrupsionin, do ti japim frymëmarrje ekonomisë për të sjellë investime, mundësi punësimi me të ardhura dinjitoze dhe jetë më të mirë për të gjithë shqiptarët.