Raporti i FMN/ Reagimi, Basha: Konfirmon atë që i kemi kërkuar Edi Ramës! Shqiptarët…
Paketat e mbështetjes COVID-19 të Shqipërisë janë më të vogla se mesatarja e atyre në tregjet në zhvillim dhe Ballkanin Perëndimor. Pas këtij konkluzioni të Fondit Monetar Ndërkombëtar në raportin e fundit i cili rezulton kritik mbi situatën ekonomike në Shqipëri, ka reaguar Kryetari i Partisë Demokratike, Lulzim Basha duke theksuar se ky raport konfirmon atë që PD i ka kërkuar qeverisë së Edi Ramës për muaj me radhë:
“Të japë më shumë ndihmë financiare familjeve shqiptare!”
Shqipëria është ndër vendet që ofrojnë ndihmën më të vogël ekonomike për qytetarët, thekson Lulzim Basha në reagimin e tij përmes rrjetit social Facebook duke shtuar se qytetarët shqiptarë meritojnë më shumë ndërsa përfundon:
“Shqipëria meriton një qeveri që kujdeset për njerëzit dhe jo për veten e vet!”
Reagimi:
Fondi Monetar Ndërkombëtar publikoi një raport kritik mbi situatën ekonomike në Shqipëri. Raporti konfirmon atë që ne i kemi kërkuar qeverisë Rama për muaj me radhë: të japë më shumë ndihmë financiare familjeve shqiptare.
Raporti thekson: “Paketat e mbështetjes COVID-19 të Shqipërisë janë më të vogla se mesatarja e atyre në tregjet në zhvillim dhe Ballkanin Perëndimor”. Shqipëria është ndër vendet që ofrojnë ndihmën më të vogël ekonomike për qytetarët!
Qytetarët shqiptarë meritojnë më shumë. Shqipëria meriton një qeveri që kujdeset për njerëzit dhe jo për veten e vet.
