Raporti i TI/ Reagimi, Basha: Korrupsioni i qeverisë po na kalb atdheun!
Korrupsioni i kësaj qeverie po shkatërron ekonominë dhe po na kalb atdheun, thekson Kryetari i i Partisë Demokratike, Lulzim Basha në reagimin e tij pas publikimit të raportit të Transparency International ku konstatohet përkeqësimi i luftës kundër korrupsionit ndërsa shprehë keqardhje për realitetin e hidhur që po provon degradimin e skajshëm dhe kriminalizimi kapilar të qeverisjes Rama.
“Sipas Indeksit të Perceptimit të Korrupsionit të realizuar nga Transparency International, për shkak të qeverisjes aktuale, Shqipëria po pëson një përkeqësim dramatik të gjendjes së korrupionit duke zbritur edhe 7 vende të tjera vetëm gjatë vitit të fundit,” thekson Lulzim Basha duke saktësuar se nga 180 shtete të marra në shqyrtim për nivelin e integritetit, Shqipëria renditet në vendin e 106-të, në të njëjtin nivel me vende si Bregu i Fildishtë apo Mongolia ndërsa përfundon:
“Ja pse i duhet qeverisë Rama paketa ligjore “Anti-Fjalës së Lirë”, për të penguar daljen në shesh të korrupsionit masiv qeveritar që po përmbyt Shqipërinë.”
Reagimi i plotë:
Degradimi i skajshëm dhe kriminalizimi kapilar i qeverisjes Rama, është një realitet i hidhur që provohet qartë nga raportet më të besueshme profesionale të organizatave prestigjioze ndërkombëtare sikurse është Transparency International. Korrupsioni i kësaj qeverie po shkatërron ekonominë dhe po na kalb atdheun.
Sipas Indeksit të Perceptimit të Korrupsionit të realizuar nga kjo organizatë, për shkak të qeverisjes aktuale, Shqipëria po pëson një përkeqësim dramatik të gjendjes së korrupionit duke zbritur edhe 7 vende të tjera vetëm gjatë vitit të fundit.
Në mesin e 180 shteteve të marra në shqyrtim për nivelin e integritetit, Shqipëria renditet në vendin e 106-të, në të njëjtin nivel me vende si Bregu i Fildishtë apo Mongolia.
Ja pse i duhet qeverisë Rama paketa ligjore “Anti-Fjalës së Lirë”, për të penguar daljen në shesh të korrupsionit masiv qeveritar që po përmbyt Shqipërinë.
