Raporti/ Lidhjet ekonomike me botën, Shqipëria më dobët në rajon

Edhe pse vendet e Ballkanit Perëndimor kanë përmirësuar lidhjen e ekonomive të tyre me pjesën tjetër e botës, ata ende kanë vend për tu përmirësuar më tej, thekson Banka Botërore në Raportin e fundit rajonal.

Në këtë Raport, Banka Botërore referon se indeksi i Lidhshmërisë, MDC, 2018 i cili rendit vendet nga 1 (integrimi më i lartë) në 113 (më e ulët), tregon se Serbia aktualisht renditet e para në Rajon për lidhjet më të forta ekonomike me pjesën tjetër të botës, duke marrë 82 pikë, ndërsa Shqipëria mori 75 pikë  duke u renditur me dobët në rajon.

Në përgjithësi, vendet e  Ballkanit Perëndimor renditen në nivel mesatar në rang global për lidhjet ekonomike me pjesën tjetër të botës, por shumë ulët në krahasim me mesataren Europiane dhe Azinë Qendrore (ECA).

Që nga viti 2008, numri i traktateve dypalëshe të investimeve të nënshkruara nga Perëndimi me Vendet e Ballkanit janë ndër më të lartat në ECA, por IHD janë modeste. Kjo sugjeron një nevojë qe traktatet e tregtisë dhe investimeve thellohen më tej për uljen e burokracive dhe tarifave për tërheqjen e IHD-ve. Ndoshta më shumë është e rëndësishme që mjedisi i investimeve të bëhet më tërheqës.

Plani shumëvjeçar i veprimit të Ballkanit Perëndimor 2017 për të zhvilluar një Zonë Ekonomike Rajonale (MAP-REA) siguron një plan për zgjerimin e lidhjes në tregti, investime, mobilitetit dhe ekonomisë digjitale.

Një angazhim i vendosur për të avancuar reforma të tilla do të ndihmojë vendet e Ballkanit Perëndimor të arrijnë një lidhje të balancuar ekonomike me pjesën tjetër të botës.

Banka Botërore sugjeron se, në lidhje me tregtinë, përveç përmirësimit të infrastrukturës fizike dhe përafrimit të tarifave, Ballkani Perëndimor duhet të krijojë një dritare të vetme për të reduktuar barrierat dhe të përmirësojë tregtinë ndërkufitare.

Për lëvizshmërinë, opsionet e politikave janë njohja reciproke e kualifikimeve akademike dhe reformat për të ndërtuar kapitalin njerëzor. Për lidhjen digjitale, prioritetet janë eliminimi të tarifave të roamingut rajonal, një qasje të unifikuar për sigurinë digjitale dhe mbrojtjen e të dhënave dhe broadband me shpejtësi të lartë.

Transporti i brendshëm në ekonomitë e avancuara tenton të marrë më pak kohë dhe të jetë më i përballueshëm për banorët. Përkundrazi, në vendet në zhvillim të rajonit ECA koha që harxhohet për transport nga një qytet në një tjetër ndryshon shumë dhe gjithashtu krijon disa herë kosto të larta për transportin e mallrave./Monitor/