Raporti/ Në vendet e Ballkanit vetëm 9 % protestojnë, 46 % nuk reagojnë fare…

Këshilli i Bashkëpunimit Rajonal (KBR) bëri publik rezultatet e Barometrit të Ballkanit të vitit 2018, një studim vjetor i opinionit të qytetarëve dhe komuniteteve të biznesit mbi situatën në rajon.

Gjetjet kryesore të anketës tregojnë se reagimi i njerëzve dhe bizneseve në rajon, është ende nën mesataren, po përmirësohet në mënyrë të vazhdueshme.

“Edhe pse papunësia vazhdon të shihet si problemi më i rëndësishëm me të cilin ballafaqohet rajoni, interesant është fakti se ikja / emigrimi i trurit shihet gjithnjë e më shumë si një sfidë e madhe nga qytetarët e rajonit, siç thonë 12% e tyre, që është 5% më shumë se në 2015.

Sidoqoftë, ne shpresojmë të shohim ndryshime në këto shifra, pasi, gjashtë ekonomitë e rajonit vërejnë përmirësime të rëndësishme në të katër fushat: Tregtia, Investimet, Lëvizshmëria dhe Integrimi Digjital, duke çuar drejt krijimit të vendeve të reja të punës dhe stabilitetit ekonomik në rajon “, tha Goran Svilanovic sekretari pergjithshëmI KBR.

Raporti gjithashtu tregon besim të ulët në institucionet politike, me apatinë e qytetarëve shumë të përhapur, pasi shumica e të anketuarve ngurojnë për t’u angazhuar në vendimmarrjen e qeverisë – 46% as nuk diskutojnë vendimet e qeverisë; 32% diskutojnë ato privatisht dhe jashtë një mjedisi publik; vetëm 9% protestojnë; 6% komentojnë mbi vendimet e qeverisë për rrjetet sociale dhe; 4% marrin pjesë në debate publike. Ky është një kërcënim i madh për zhvillimin e ardhshëm demokratik të rajonit.

Kur bëhet fjalë për opinionin për ecurinë e ekonomisë në lidhje me perspektivën e integrimin në BE panorama është mikse. Krahasuar me 27% të vitit 2015, vetëm 12% e të anketuarve parashikojnë sot që ekonomia e tyre të bashkohet me BE në fillim të vitit 2020.

Megjithatë, në të njëjtën kohë, ka një rritje të dukshme të numrit të të anketuarve që parashikojnë anëtarësimin deri në 2030 – nga 14 % në BB 2017 në 20%.

26% mendojnë se anëtarësimi nuk do të ndodhë kurrë, gjë që është një përparim i lehtë nga viti i kaluar kur 28% e njerëzve mendonin kështu.

Bizneset e rajonit janë pak më optimistë se popullsia. 40% e liderëve të kompanive raportojnë përmirësime në gjendjen e tyre të biznesit gjatë vitit të kaluar. 33% e bizneseve presin të rrisin numrin e të punësuarve dhe vetëm 8% mendojnë se do të duhet ta ulin atë gjatë vitit të ardhshëm, ndërsa 55% nuk presin asnjë ndryshim!

45% e liderëve të biznesit ende e shohin ekonominë e tyre si një vend të mirë për të investuar.