Raporti paraprak, vërejtjet e OSBE/ODIHR: Shqipëria nuk mund të futet në BE kështu siç është sot!

Misioni i OSBE/ODIHR në Raportin paraprak që prezantoi sot për zgjedhjet e 11 Majit foli për vërejtjet e konstatuara edhe në zgjedhjet e kaluara kur i organizoi Edi Rama si përdorimi i burimeve shtetërore, intimidimin e votuesve, heqjen e gjobave dy ditë para zgjedhjeve por ndyshe nga sa panë shqiptarët në heshtjen e SPAK-ut për këtë mision ai ishte në nivel!

Dhe, jo vetëm kaq! Ky mision vlerësoi se zgjedhjet u zhvilluan në mënyrë profesionale, ishin konkurruese por u zhvilluan në një klimë të theksuar polarizimi politik, por Shqipëria nuk do të futet në BE kështu siç është sot, ama ka shumë gjëra që mund të përmirësohen

“Zgjedhjet e 2025, ishin konkurruese dhe u zhvilluan në mënyrë profesionale, ndodhën në një klimë tejet të polarizuar dhe kandidatët nuk patën mundësi të barabarta. Patën mundësi të bënin fushatë në mënyrë të lirshme edhe pse disa raportuan se kishin pasur intimidim. Administrimi zgjedhor e administroi procesin në mënyrë gjithpërfshirëse. Votimi nga jashtë vendit u menaxhua mirë pavarësisht marrëveshjes politike të arritur me vonesë dhe disa problemeve organizatave

Partia në pushtet përfitoi nga përdorimi i burimeve shtetërore gjatë fushatës, duke shkaktuar kushte të pabarabarta. Gjithashtu pati edhe një mungesë të autoritetetit për të monitoruar fushatat zgjedhore online.

Ishte ditë e qetë, por pati mosrespektim të procedurave e ajo u shoqërua nga incidente intimidimi e ndikim tek disa zgjedhës. Ka pasur raportime për presione ndaj zgjedhësve, sidomos në administratë. Dy partitë kryesore ishin ato që kishin mbulim më të madh mediatik. Procesi ishte i qetë në tërësi, por kishte disa incidente të izoluara. Kishte sulme mes liderëve të dy partive të mëdha,” u tha me rastin e prezantimit të Raportit paraprak të misionit vëzhgues ndërsa kur u sjellë në vëmendje rasti më flagrant i Tiranës nga gazetarët ku përkundër raportimit as Policia e Shtetit as SPAK-u nuk reaguan shqetësimi i vetëm i krerëve të këtij misioni ishte nëse ishte pyetja e dytë apo e tretë e gazetares por nuk thanë asgjë në lidhje me rastin e Zyrës fantazmë te Petro Nini, që siç duket vetëm ky mision nuk e ka parë!

Kryetari i Delegacionit të Parlamentit Evropian, Michael Gahler, ishte pak më konkret duke theksuar ky vend nuk do të futet në BE kështu siç është sot, ama ka shumë gjëra që mund të përmirësohen.

“Rekomandimet dhe këto që do të vijnë nga Parlamenti Europian unë absolutisht që do sugjeroja që aktorët e interesuar këtu, por do të doja ë kisha konsensus të gjerë të partive politike, për përmirësimin e procesit zgjedhor.

Kjo është një nga aspektet qe çon drejt BE. Çështja të tjera që përmendët që kanë të bëjnë me korrupsionin, të tjera gjëra që shkojnë përtej zgjedhjeve sigurisht që do të adresohen të jeni të sigurt. Ky vend nuk do të futet në BE kështu siç është sot, ama ka shumë gjëra që mund të përmirësohen dhe zgjedhjet janë të rëndësishme. Unë rekomandoj me forcë të gjithë aktorëve përkatës t’i marrin rekomandimet seriozisht.”

Në fund, pas pyetjes së gazetarëve, drejtuesja e konferencës për media nga ky mision u habit se pse ankohen mediat në pushtetin kur bëjnë kësi pyetje, por nuk pyeti gazetarët se a marrin përgjigje nga Kryeministri Edi Rama për pyetjet që nuk i pëlqejnë këtij njeriu që bastardoi çdo qelizë të këtij shteti.

Ndryshe, Raporti paraprak u prezantua nga Shef i misionit të vëzhgimit të zgjedhjeve të ODIHR-it, Ambasadori Lamberto Zannier, Koordinatori Special dhe drejtues i vëzhguesve afatshkurtër të OSBE-së, Farah Karimi, Kryetari i Delegacionit të Asamblesë Parlamentare të OSBE-së, Björn Söder, Kryetarja e Delegacionit të APKE-së, Simone Billi, dhe, Kryetari i Delegacionit të Parlamentit Evropian, Michael Gahler.