Raporti, UNODC: Për 4 vite, kriminelët e Malit Zi trafikuan 30 tonë kokainë!
Në Raportin e fundit të Zyrës së Kombeve të Bashkuara për drogë dhe krim, UNODC, thuhet se Agjencitë e policisë malazeze nga viti 2017 deri në vitin 2021 kanë konfiskuar 30 tonë kokainë në gjithë botën, në rastet kur ishin të implikuara grupet kriminale të Malit Zi
Porti malazez i Tivarit, thekson Raporti, është pikë tranziti aktive për grupet kriminale ballkanike për trafikun e substancave narkotike, zakonisht nga Amerika e Jugut.
“Shtetasit e Malit të Zi ka kohë që shfaqen në rastet e trafikut të kokainës, në veçanti si marinarë në anije tejoqeanike,” konstaton Raporti global për trafikun e kokainës për vitin 2023, duke konstatuar se këta protagonist po bëhen gjithnjë e më shumë lojëtarë të rëndësishëm të këtij trafiku.
“Për shembull, në qershorin e vitit 2019, autoritetet në Portin Filadelfia, Shtetet e Bashkuara, konfiksuan një sasi shumë të madhe të kokainës, 20 tonë, në anijen me konteiner që po lundronte drejt Portit Roterdam në Holandë, ku u arrestuan disa anëtar malazez të ekuipazhit,” thekson Raporti.
“Deri sa individët e përfshirë në disa raste të ngjashme ishin ndoshta operativë të nivelët të ulët, autoritetet malazeze kanë identifikuar klanet e Shkalarit dhe Kavaçit si grupe të fuqishme kriminale me rrrezik të lartë për vendin. Aq më shumë, kur burimet mediatike, kanë folur për një shtetas malazez që jeton në Austri dhe kryeson skemën e trafikut të substancave narkotike me dy bashkëpuntorë kroatë. Ai është i dyshuar nga Agjencia për zbatimin e ligjit se ka lidhje me dërgesa të mëdha të kokainës që janë zbuluar në Kolumbi dhe Itali,” thuhet në Raportin e Zyrës së Kombeve të Bashkuara për drogë dhe krim.
Dërgesat janë banane, kryesisht nga Ekuadori, thekson Raporti, që me raste kanë shërbyer për transportimin dhe mbulimin e kokainës e cila mbërrinë në porte ballkanike.
UNODC, gjithashtu thekson, se në portet ballkanike, dërgesat e mëdha të kokainës nga Amerika e Jugut i organizojnë grupet kriminale, në veçanti shqiptare, por dhe serbe e malazeze, të cilat sigurojnë furnizimin dhe transportin deri në destinacionet në Greqi, Bullgari, Rumani dhe Ukrainë, thekson Raporti i cili flet dhe për trende të reja pasi trafikantët malazezë janë arrestuar afër brigjeve të Australisë dhe Afrikës Perëndimore.
