Raporti / Zyrtarët e FBI zotohen: “Do ta ndalojmë Trumpin”
Në mesazhet e zbuluara që kanë shkëmbyer zyrtarët e Shërbimit federal të sigurisë, FBI, shkruante: “Do ta ndalojmë Trumpin të bëhet president”, e lidhur me këto mesazhe do të jepen detaje në raportin e përgjithshëm të Departamentit të drejtësisë, lidhur me hetimin e emaileve të Hilary Clinton, shkruan “Washington Post”.
Sipas informacioneve, këtë raport, Presidenti amerikan Donald Trump duhet ta marrë sot, por gjithsesi para se ai të deklasifikohet dhe të bëhet publik.
Pritet që në raportin prej 5.000 faqesh do të ketë kritika në drejtim të ish-drejtorit të FBI, James Comey dhe zyrtarëve të tjerë të lartë për vendimet që kanë marrë, e që kanë pas ndikim në hetimin i cili u zhvillua për përdorimin e emaileve private të zonjës Clinton, por edhe për mënyrën që janë trajtuar gjatë hetimit.
Zëdhënësi i Departamentit të drejtësisë theksoi se raporti do të nënkuptoj edhe shqyrtimin e mesazheve shtesë në mes të ish-punëtorit të shërbimit të kundërzbulimit, Peter Strzok dhe avokatit të FBI, Lisa Page.
Inspektori i përgjithshëm paraprakisht kishte zbuluar shkëmbimin e mesazheve në mes të këtyre të dyve, përmbajtja e të cilave propagandonte Clintonin, përkatësisht ishte kundër Trumpit. Presidenti amerikan i ka konfiskuar ato në mënyrë që të ketë argumenta për pretendimet se pëlqimi brenda FBI ishte jashtëzakonisht real.
Zv/prokurori publik, Rod J. Rosenstin duhet ta zhvilloj një mbledhje ku Trump do të informohet për gjithë situatën. Gjithashtu, ligjvënësit do të informohen para se raporti të bëhet publik.
Inspektori i përgjithshëm, Michael E. Horowitz, paralajmëroi javën e kaluar që raporti do të publikohet sot, përkatësisht në ditëlindjen e Presidentit Trump.
“Presidenti është vërtetët i padurueshëm që ta lexoj,” tha personi i mirë informuar për situatën.
Presidenti Trump e ka komentuar hetimin në Twitter, duke e quajtur “grumbull plehërash”, ndërsa ka komentuar edhe faktin se raporti duhej të shkruhej në muajin maj,e më pas në muajin qershor shtroi pyetje nëse ka vonesa sepse “ka ndryshuar dhe do të jetë shumë më pak i rëndësishëm”. Këto deklarata janë përgënjeshtruar në mënyrë indirekte, dhe vëmendja është përqëndruar tek serioziteti i stuatës dhe sasia e materialit, shkruan “Washington post”.
