Raportuesi i Shqipërisë në Bundestag: Jo ndryshimeve kushtetutuese pa opozitën jashtë Parlamentit

Raportuesi për Shqipërinë në Komisionin e Jashtëm pranë Bundestagut gjerman, Christian Schmidt, u shpreh sot qartë se e rëndësishme është që në Shqipëri, qeveria të mos bëjë veprime të njëanshme me ndryshimin e Kushtetutës dhe heqjen e të drejtës për koalicione parazgjedhore.

Duke e konsideruar Marrëveshjen e 5 Qershorit një sukses të madh që forcon demokracinë në Shqipëri, Christian Schmidt në reagimine tij përmes rrjetit social thekson se Partia Socialiste po tenton ndryshime jashtë marrëveshjes: heqjen nga Kushtetuta të së drejtës për koalicione parazgjedhore. Për të favorizuar vetveten?

“Me shqetësim të madh po shoh se Partia Socialiste po tenton ndryshime të tjera jashtë marrëveshjes: konkretisht po tenton heqjen nga Kushtetuta të së drejtës për koalicione parazgjedhore. Për të favorizuar vetveten?

Bëni kujdes! Ndryshime të tjera bëhen vetëm, nëse partitë e rëndësishme brenda dhe jashtë parlamentit bien dakord për to.

Jam i bindur se kryeministri Rama, i cili është edhe kryetar i radhës së OSBE-së, do ta mbrojë frymën e marrëveshjes së 5 qershorit mes të gjitha partive. Besimi reciprok është i domosdoshëm!” thekson raporuesi për Shqipërinë në Komisionine Jashtëm pranë Bundestagut.

Ndryshe, pas paralajmërimit të mazhorancës për ndryshimet kushtetuese më 30 Korrik, SHBA dhe Komisioneri për Zgjerimin pranë BE, Oliver Varhelyi i Edi Ramës të mos e bëjë këtë veprim pa konsensusin e opozitës.