Raportuesja për Kosovën, Cramon: Interesin e shtetit vendosni para interesave të partisë

Raportuesja për Kosovë pranë Parlamentit Evropian, Viola von Cramon u ka bërë thirrje deputetëve të Parlamentit të Kosovës, që të vendosin interesin e shtetit para interesave të partisë.

“Kjo është edhe shpresa ime. Sigurohuni që të gjithë deputetët e Parlamentit të Kosovës të vendosin interesat e shtetit në rend të parë, para interesave të një partie,” thekson raportuesja Von Cramon përmes rrjetit social Twitter duke e shoqëruar me një postim të Ambasadorit gjerman.

Ndryshe, kjo thirrje e Raportueses për Kosovën pranë Parlamentit Evropian, Viola von Cramon, vjen pas deklaratës së Ambasadorit gjerman në Kosovë, Jorn Rohde, për zgjedhjen e presidentit, ku tha se nuk mund ta imagjinon mbajtjen e zgjedhjeve të reja në mes të pandemisë.