Rasti i Shasit/ Kisha Ortodokse e Malit Zi: Krim shpirtëror kundër një kombi!

Përpjekjen e mitropolisë së paligjshme malazeze – bregdetare serbe për të mbajtur liturgjinë mbi rrënojat e Kishës së  Shën Gjonit, në Shas afër Ulqinit, përndryshe zonë e mbrojtur si trashëgimi kulturore, kryetari i Këshillit Metropolitan të Kishës Ortodokse të Malit të Zi, Stevo Vuçiniç tha se në këtë rast nuk bëhet fjalë për  “asnjë lloj nevoje liturgjike apo shpirtërore, por për një lloj krimi shpirtëror kundër një kombi”.

Duke komentuar për të përditshme malazeze “Pobjeda”,  Vuçiniç tha se Kisha Ortodokse e Serbisë, SPC,  sulmoi të gjitha pikat e rëndësishme në bregdetin e Adriatikut dhe në  fushatën kundër Malit të Zi u përfshi edhe shkenca e kësaj Kishe, me detyrën e argumentimit pseudo-shkencor dhe nëpërmes kishës të përcaktojnë  qëllimet nacionaliste serbomadhe, raporton Ulqini Online.