Rasti i Shqipërisë ngre pikëpyetje se kush e drejton Politikën e Jashtme të SHBA

Nga L. Todd Wood, The Washington Times

Kemi shkruar shpesh për “Të Përbetuarit Anti Trump” në Departamentin e Shtetit që punojnë kundër axhendës së presidentit në Ballkan dhe veçanërisht në Shqipëri.

E ngarkuara me punë në ambasadë Leyla Moses-Ones u kap duke bërë retweet mesazhet anti-Trump të ish drejtorit të FBI James B. Comey (Comey thonë se do shkoje në burg për tradhëti ndaj atdheut. Shenim i redaktorit). Tweet-et u fshinë në momentin që ato u bënë publike.
Emërimi i ish zëvendës ndihmëse sekretares Kathleen Ann Kavalec për të qënë ambasadore në Shqipëri u tërhoq, pasi u mor vesh se ajo kishte folur me autorin e dosjes skandaloze të Steele (karagjozi i britanikes MI6 që u përdor për dosjen. Shën i redaktorit) për presideentin Trump.
Por ende rezistenca e “Llumit të Thellësisë” ndaj politikave të Trump është e qëndrueshme.

Në një incident të raportuar gjerësisht, qeveria socialiste e kryeministrit Edi Rama është regjistruar në audio duke bashkëpunuar me figura të krimit të organizuar në Shqipëri përpara zgjedhjeve të përgjithshme parlamentare të 2017 duke blerë vota. Partia konservatore Partia Demokratike, ka drejtuar protesta shumë të mëdha prej javësh duke bërë thirrje që të dorëhiqet qeveria Rama.

Presdienti shqiptar Ilir Meta, autoriteti i vetëm kushtetues që mund të thërrasë zgjedhjet, ka dekretuar që zgjedhjet lokale të planifikuara për të dielën të shtyhen për në tetor, në mënyrë që të zgjidhet kriza qeverisëse, por qeveria Rama ka injoruar këtë dekret.
Në lojë hyn Departamenti i Shtetit.

Matthew Palmer, që kryeson zyrën e departamentit të shtetit për çështjet Europiane dhe Euroaziatike, ka deklaruar tashmë publikisht se zgjedhjet duhet të vazhdojnë, duke dalë praktikisht me këtë qëndrim përmbi Presidentin e Shqipërisë dhe përmbi Kushtetutën e Shqipërisë.
Ish ambasadori amerikan në Shqipëri Donald Lu, ka shprehur gjithashtu mbështetje për qeverinë, duke tejkaluar dhe kufijtë kur u refuzoi vizat e hyrjes për në SHBA zyrtarëve të opozitës.

Pastaj është dhe fakti që kryeminsitri shqiptar Rama ka qënë një zë haptas publik anti-Trump dhe një i besuar i afërt i miliarderit socialist amerikan George Soros, madje duke marrë pjesë dhe në dasmën e tij të fundit.

“Do të shpresoja shumë që [Zoti Trump] të kuptojë se ajo çka ai po flet, nuk është rruga për të Ribërë Amerikën të Madhe (Make America Great Again- slogan i Trump në fushatën e 2016, shën red.) por është një turpërim për Amerikën në sytë e botës dhe në sytë e të gjithë atyre që e shikojnë Amerikën si një qytet që shkëlqen në Kodër” deklaroi zoti Rama tek instituti Atlantic Council në Uashington në vitin 2016, sipas raportimit të ForeignPolicy.com.

Ka disa pyetje për tu bërë këtu. Përse Departamenti Amerikan i Shtetit po përfshihet haptas në politikën e brëndshme në Shqipëri? Dhe përse Shtëpia e Bardhë ka lejuar Departamentin e Shtetit që të japë mbështetje për një qeveri socialiste e cila është në bankën e të akuzuarve për përfshirje në aktivitet kriminal, qeveri e cila ka treguar haptas për vetë zotin Trump një mungesë të madhe të respektit?

Kush po e drejton politikën e jashtme amerikane? Mike Pompeo mund të jetë Sekretari, por ka shumë mbetje në Departamentin e Shtetit, që ende nuk e kanë marrë vesh që qytetarët amerikanë kanë zgjedhur një udhëheqës të ri, me një axhendë krejt të re në muajin Nëntor 2016. Këto sinjale të përziera por dërgohen në një rajon shumë të paqëndrueshëm si Ballkani dhe ato veçse po i përkeqësojnë gjërat.

Departamenti i Shtetit as ka marrë mundimin të flasë për bashkëpunimin e dyshuar të qeverisë Rama me figura të krimit të organizuar. Ka pasur një qetësi të çuditshme në këtë temë kaq të debatuar dhe pyetja është: Përse? A mund të ndodhë që Departamenti i Shtetit është mbështetës i heshtur i axhendës liberale të zotit Soros për kufij të hapur, legalizim të drogës dhe qeveri globale?

Për ti dhënë përgjigje kësaj pyetje ja vlen të studiosh fjalët e vetë zotit Rama.

Sepse sipas ForeignPolicy.com ai dikur tha:

“Europa ka Donald Trump-ës e saj të cilët erdhën përpara Donald Trump, të cilët praktikisht turpëruan Europën me këndvështrimin e tyre për emigrantët, me këndvështrimin e tyre për Myslimanët, dhe me këndvështrimin e tyre për vetë Bashkimin Europian. Ju keni [Shtetin Islamik] dhe ju keni këtë lloj, ekstremizmi gjakëftohtë edhe në anën tjetër të monedhës. Është e pabesueshme.” /Redaktoi: Ermal Ngjelina/