Raundi i dytë në EURO 2024 fillon me përballjen Kroaci-Shqipëri

Dita e gjashtë e Kampionatit Evropian të Futbollit kur nis dhe raundi i dytë i EURO 2024 fillon në orën 15:00 me përballjen më të rëndësishme të grupit, Kroaci-Shqipëri në Hamburg, pasuar me duelin në mes të Gjermanisë dhe Hungarisë në Shtutgart në orën 18:00, ndërsa mbrëmja do të mbyllet me sfidën e orës 21:00 në mes të Zvicrës dhe Skocisë në Keln.  

Pas raundit të parë ku disa kombëtare befasuan, kishte prej tyre që treguan cilësi, e disa dështuan plotësisht, pritet që raundi i dytë të qartësojë mundësitë e tyre në eliminatore.

Dueli i “grupit të vdekjes” Kroaci-Shqipëri fillon pas humbjes së turpshme të Kroacisë ndaj Spanjës dhe tensionit gjithnjë në rritje nga tifozët kroatë ku sot në stadiumin e Hamburgut me kapacitet prej 49 mijë vende, do të jenë shumicë. Nga ana tjetër, kombëtarja shqiptare pas një humbje 2:1 ndaj Italisë që e bëri të ndjehet “krenare” me lojën, sot do të mbështetet nga vetëm 15 mijë tifozë shqiptarë ndryshe nga përballja e parë ku ishin mbi 51 mijë.

Gjermania është paksa e relaksuar si për fitoren e thellë që korri në përballjen e parë 5:1 ndaj Skosisë ashtu dhe faktit që sot luan kundër Hungarisë e cila pësoi humbje të thellë kundër Zvicrës 3:1.

Dita e gjashtë e EURO 2024 nuk ka ndonjë pritshmëri pasi Zvirca futet në ndeshjen përballë Skocisë, pas një fitore bindëse ndaj Hungarisë me një Skoci e cila “dorëzoi armët” para gjermanëve të cilët shënuan deri sa u lodhën!