Reagimi kriminal i Prezencës së OSBE-së në Tiranë arsyeton dhunën policore
Protesta e Opozitës sot u përballë me një dhunë të shfrenuar të policisë së Ish-Gjeneral Sandër Lleshaj dhe ndonëse dolën dhe pamje filmike që dëshmojnë mbi këtë dhunë, Prezenca e OSBE në Tiranë, për shumë kohë në shërbim të Edi Ramës, sot kaloi edhe ylberin.
“Organizatorët e protestës së mbrëmjes të sotme duhet të mbajnë përgjegjësinë politike për dhunën kriminale të ushtruar nga disa prej ndjekësit e tyre. Mendimet tona shkojnë me familjet e të plagosurve. OSBE-ja do të vijojë të nxisë opozitarizmin efikas dhe dialogun në Shqipëri. Por ne i dënojmë plotësisht ata që përpiqen të përdorin dhunën si një rrugë të shkurtër politike; ata do të dështojnë,” thekson në reagimin e saj Prezenca e OSBE duke akuzuar opozitën ndonëse qytetarët pjesëmarrës po tërhiqeshin zvarrë edhe kur ata rrëzohen nga gazi helmues që përdor Ish-Gjeneral Sandër Lleshaj.
Pas reagimeve të ashpëra ndaj kësaj Prezence kriminale të OSBE, e cila heshti si për vjedhjen e votave ashtu mbjelljen pa fund të drogës në gjithë Shqipërinë, OSBE bënë edhe gafën e dytë diplomatike dhe të sigurisë duke lëshuar një tjetër deklaratë vetëm pas 10 minutave, duke mos përmendur dhe rastin kur Avokati i Popullit nuk lejohet të futet as në Spital për të vizituar protestuesit e plagosur sic kishte bërë me efektivët e policisë të plagosur, por, vetëm duke thjeshtësuar se “dhuna nuk është përgjigje”:
“Prezenca e OSBE-së e ka ndjekur protestën e sotme minutë pas minute. Ne përsërisim qëndrimin tonë të palëkundur që dhuna nuk është përgjigja. Gjithashtu, reagimi i rëndë ndaj dhunës nuk ndihmon.”
Në fund, meqë Prezenca e OSBE nuk e njeh dhunën policore por vetëm atë të opozitës dhe nuk regon kur vetë Avokatja e Popullit nuk lejohet të futet në Spital ku po qëndrojnë disa proetstues të plagosur dhe Sekretari Organizativ i PD, po I sjellim në vëmendje disa nga pamjet kriminale:
