Referendumi, 43.385 demokratë votuan për shkarkimin e Lulzim Bashës
Përkundër terrorit shtetëror në të 106 qendrat e votimit që nga orët e para të ditës së sotme, sot, nga 76 mijë antarë sa ka Partia Demokratike përmes Referendumit 43.385 anëtarë të PD ratifikuan vendimin e Kuvendit të ligjshëm Kombëtar për shkarkimin e Kryetarit Lulzim Basha, i cili u votua në Kuvendin e 11 Dhjetorit.
Pas numërimit në të gjithë 106 qendra e votimit, Kryetarja e Komisionit për Organizmin dhe Kontrollin e Operacioneve Elektorale, Albana Vokshi, ka bërë të ditur se kanë votuar 43.879 anëtarë të PD prej të cilëve, 43.385 anëtarë të PD kanë votuar për shkarkimin e Lulzim Bashës.
“43.385 demokratë kanë votuar pro shkarkimit të Lulzim Bashës, duke ratifikuar vendimin numër 6 të Kuvendit”, tha Albana Vokshi.
Prezent në selinë e Partisë Demokratike ishte dhe lideri historik Sali Berisha
“Një falenderim të përzemërt për ata që janë këtu dhe demokratëve shqiptarë. Të cilët firmosën sot më 18 dhjetor në një akt madhor në një monument madhështor të lrisië së pluralizmit politik, referendumin e parë të thërritur nga anëtarësia e një force politike në historinë e Shqipërisë, por mundet edhe më gjerë. Ndaj unë dua të përulem me nderimin më të madh para dhjetëra mijëra, më saktë para mbi 44 mijë demokratëve, që sot vendosën me votën e tyre në mënyrën më plebishitare, largimin e peng Bashës. Jeni dëshmitarë të përpjekjeve të turpshme të narkoshtetit. Mjafton tu rikujtoj ju paraqitjen me orë të tëra në studio të pengmarrësit në ndihmë të pengut të tij. Asgjë nuk mund të ndalë njerëzit e lirë në realizimin e qëllimeve të tyre. S’ka forcë që pengon njerëzit e lirë,” tha Sali Berisha ndërsa falenderoi Komisionin e administrimit të referendumit.
“Dua t’i jap fjalën Komisionit që administroi referendumin. Është I njëjti komision që menaxhoi kuvendin historic të 11 dhjetorit dhe po me kaq përgjegjësi e transparencë absolute drejtoi referendumin e parë në histori.”
Mësohet se në Referendum kanë marrë pjesë 43.879 anëtarë të Partisë Demokratike prej të cilëve 43.385 kanë votuar për shkarkimin e Lulzim Bashës nga posti i kryetarit, 306 ishin kundër, 17 abstenime ndërsa 171 vota janë shpallur të pavlefshme.
Me vendim të Komisionit për Rithemelimin e PD, organizimin dhe drejtimin e procesit të Referendumit sot e drejtoi Komisioni për Organizmin dhe Kontrollin e Operacioneve Elektorale.
Kryetare e këtij Komisioni është caktuar Albana Vokshi me anëtarë Ervin Minarolli, Eno Bozdo, Edith Harxhi dhe Keltis Kruja.
Në fletën e votimit për këtë Referendum ishte ngritur një pyetje:
“A jeni dakord me vendimin e Kuvendit Kombëtar për shkarkimin e kryetarit të PDSH Lulzim Basha?
Po, (dakord me shkarkimin)
Jo (kundër shkarkimit)
Ndryshe, më 13 Qershor, bazuar në të dhënat zyrtare të 76 procesverbaleve të futura në përllogaritje ka rezultuar se nga 75 mijë e 67 anëtarë të Partisë Demokratike, kanë votuar 41 mijë e 97 anëtarë. Vota të pavlefshme kanë rezultuar 413. Vota të vlefshme janë 40 mijë e 684 vota. Të ndara sipas kandidatëve në garë: Për z. Fatbardh Kadilli kanë votuar 781 anëtarë. Për zonjën Edith Harxhi kanë votuar 983 anëtarë. Për z. Agron Shehaj kanë fotuar 6 mijë e 38 anëtarë dhe për z.Lulzim Basha kanë votuar 32 mijë e 882 anëtarë. Bazuar në këto të dhëna, komisioni Zgjedhor i Partisë Demokratike shpalli zyrtarisht fitues të garës për kryetar të PD-së z. Lulzim Basha.
