Referendumi i Serbisë, nesër seanca e jashtëzakonshme e Parlamentit të Kosovës

Pas takimit të krerëve të shtetit me Ambasadorët e Quintit nga të cilët kërkohet lejimi i zhvillimit të Referendumit të Serbisë në Kosovë, nesër mbahet seanca e jashtëzakonshme e Parlamentit me kërkesë Kë kryeministrit Albin Kurti.

Në seancë do të diskutohen synimet e Serbisë për të mbajtur referendum kushtetues në territorin e Kosovës.

Pas këtij vendimi, Partia Demokratike e Kosovës, PDK është shprehur se mbajtja e referendumit të Serbisë në Kosovë, përbën një shkelje të sovranitetit dhe rendit tonë kushtetues por nuk do të merr pjesë në këtë seancë të jashtëzakonshme, LDK pritet ta merr vendimin nesër ndërsa Aleanca për Ardhmërinë e Kosovës ka deklaruar se do të marrë pjesë në këtë seancë.

Ndërkohë Lista Srpska edhe këtë radhë ka udhëtuar drejt Beogradit për ta takuar Presidentin e Serbisë, Aleksandar Vuçiç, pas të cilit takim kryetari i saj, Goran Rakiç shprehet se serbët e Kosovës duan të dalin në Referendum ndësa shtoi:

“Shpresojmë dhe vazhdojmë të besojmë në BE, dhe nuk duam ta besojmë besimin. Do të shohim të dielen nëse do ta përmbushin premtimin e dhënë,” tha Rakiç.

Ndryshe, seanca e jashtëzakonshme e Parlamentit të Kosovës pritet të fillon punimet në orën 14:00, ka bërë të ditur Drejtoria për Media dhe Marrëdhënie me Publikun pranë Kuvendit.