Referendumi në Maqedoni, sondazhi: 41.5% do të votojnë “PËR” , 35.1 “KUNDËR”

Në referendumin e 30 shtatorit numri më i madh i qytetarëve të  Maqedonisë do të votojë “për”. Në pyetjen “A jeni për anëtarësim në BE dhe NATO duke pranuar marrëveshjen mes Maqedonisë dhe Greqisë” për u përgjigjën 41.5% e qytetarëve, kundër 35.1%, 12.4% janë ata që nuk do të votojnë, 9.2% janë të pavendosur, ndërsa 1.9 kanë refuzuar të përgjigjen në anketën që e ka realizuar Qendra e Maqedonisë për bashkëpunim ndërkombëtar.

Sipas këtij hulumtimi, shumica dërmuese prej 66.4% do të del të votojë, 19.8% do të bashkohen me iniciativën për bojkotimin e referendumit, ndërsa 11.9% ende nuk kanë vendosur të votojnë, 1.9 nuk janë përgjigjur.

Analiza sipas etnisë tregon përkrahjen e madhe të shqiptarëve që është më e vogël nga maqedonasit. 45.2 e qytetarëve maqedonas janë kundër, 27.4 janë për, ndërsa të tjerët nuk dinë apo nuk do të votojnë. Tek qytetarët me prejardhje shqiptare 88% janë për, ndërsa 2.2% janë kundër.

Sipas këtij hulumtimi, 48.2% e të rinjve do të votojnë për, ndërsa 34.1 do të votojnë kundër. Përkrahje më të madhe japin personat e arsimuar me shkollë të lartë.

Për marrëveshjen qytetarët më së shumti janë informuar nga mediat – 73%, ndërsa të tjerët, nga rrjetet sociale dhe nga biseda me familjarë dhe miq. Vetëm 3.1% e kanë lexuar marrëveshjen, por 85% thonë se kanë informacion rreth marrëveshjes, ku 19.5% thonë se e dinë në plotësisht, 32.6 e din marrëveshjen mesatarisht, ndërsa 11.6% dhanë vlerësim më të ulët nga 1 deri në 5.

Për numrin më të madh të të anketuarve, përkatësisht 48.3% e tyre, pyetja e referendumit është e qartë dhe e kuptueshme, ndërsa për 44.8% pyetja e referendumit nuk është plotësisht e qartë.

E pa kontestueshme është përkrahje për anëtarësimin e Maqedonisë ne BE dhe NATO, ku 80.2% është për.