Reflektim, Basha pranon se ka gënjyer: Liberalizimin e vizave e bënë demokratët!
Kryetari i shkarkuar i Partisë Demokratike vazhdon reflektimin e tij të thellë pas Kuvendit Kombëtar të PD më 11 Dhjetor ku sot në një ditë historike e pranon para demokratëve se i ka gënjyer deri sa u thoshte se liberalizimin e vizave e ka bërë ai, kur në realitet janë demokratët ata që përmbushëm një ëndërr për gjithë shqiptarët, lëvizjen pa viza në Evropë.
“Në 15 dhjetor 2010 ne demokratët përmbushëm një ëndërr për gjithë shqiptarët, lëvizjen pa viza në Europë me fluturimin e parë drejt Brukselit,” thekson Lulzim Basha përmes rrjetit social Facebook duke e shoqëruar me foton e ditës historike, dhe pse ky reflektim kaq i thelluar pas Kuvendit të 11 Dhjetorit e sqaron menjëherë ky politikan i pacipë, në prag të Kuvendit Kombëtar të Partisë Demokratike të 18 dhjetorit, të cilin e ka thirrë për të mbojtur karrigen e tij dhe për të akuzuar krijuesin e saj.
Ndryshe, ky është reflektimi i radhës i kryetarit të shkarkuar të PD, Lulzim Basha, pas deklaratës se 21 Janarin e vitit 2011 ku mbetën të vdekur 4 protestues e ka bërë Kryeministri Sali Berisha, kohë kur ai ishte ministër i Brendshëm.
Në fund, pavarësisht përplasjeve PD-PD dhe gënjeshtrave të Lulzim Bashës, 15 dhjetori i vitit 2010 mbetet ditë historike për shqiptarët dita kur hyri në fuqi vendimi i Parlamentit Evropian për heqjen e vizave për qytetarët e Shqipërisë që udhëtojnë në shtetet e Bashkimit Evropian.
Ditë historike, pasi më 8 nëntor të vitit 2010, Këshilli i Ministrave të Drejtësisë dhe ministrave te Brendshëm të Bashkimit Evropian miratoi liberalizimin e vizave për Shqipërinë dhe Bosnje Hercegovinën në 27 vendet e zonës Shengen.
Lulzim Basha sot mund të turpërohet, nuk e ndalon njeri por si më 8 Nëntor ashtu dhe 15 Dhjetor 2010, në pushtet ishte Partia Demokratike me kryeministër Sali Berishën. Videoklipe elektorale, Basha mund të bëjë edhe në të ardhmen por historinë nuk e ndryshon dot!
Reflektimi:
Në 15 dhjetor 2010 ne demokratët përmbushëm një ëndërr për gjithë shqiptarët, lëvizjen pa viza në Europë me fluturimin e parë drejt Brukselit.
Të rinj dhe të vjetër që e gëzojnë këtë privilegj prej 11 vjetësh tashmë duhet ta dinë se ai fluturim përfaqëson arritjen më të madhe, hapin më të madh përpara në rrugëtimin tonë drejt Bashkimit Europian, i cili fatkeqësisht me Ramën ka ngecur në vend numëro.
Në këtë ditë të bukur fare pranë Kuvendit Kombëtar të Partisë Demokratike të 18 dhjetorit, detyra jonë është të bashkohemi rreth vlerave më të mira të forcës tonë politike, ta lëmë pas të kaluarën për të zgjedhur të ardhmen që vetëm ne mund t’ia japim Shqipërisë.
