Reforma në Polici, hapet Kutia e Ervinit: Ja kush janë 12 drejtuesit e rinj në qarqe

Ndonëse Ministri i Brendshëm, Ervin Hoxha, lexoi emrat e 12 drejtuesve të policisë në qarqe duke thënë se dolën nga konkursi ku morën pjesë 43 konkurrentë, shpresa e vetme e këtij vendi ngelet që kjo dhuratë e Kryeministrit Edi Rama me emrat e drejtuesve të rinj të mos rezultoj si nga viti 2013, kur nga kutia e ministrit të radhës dolën të gjitha të këqijat e politikës dhe policisë shqiptare.

“Sot përmbyllet një tjetër fazë bazuar në reformën më të re për emërimin e drejtuesve të policisë në qarqe. Kemi 12 drejtues të rinj të dalë nga ponkursi ku morën pjesë 43 konkurrentë,” tha ministri i Brendshëm pasi hapi kutinë e Ervin Hoxhës duke lënë dhe porosi normalisht jo për Zeusin por shërbëtorët e tij besnik.

“Duke u ofruar mbështetjen e plotë strukturave policore, çojmë para arritjet e deritanishme dhe prodhojmë më shumë siguri për qytetarët tanë. Ju kërkoj drejtuesve të rinj të policisë të kenë një qasje më proaktive ndaj ankesave të qytetarëve, por edhe shqetësimeve dhe problematikave që media ngre duke i trajtuar me seriozisht dhe paanshmëri”, u shpreh Hoxha.

Drejtuesit e rinj:

Drejtor i Policisë së Tiranes  –  Elton Alushi
Drejtor i Policisë së Durrësit  –  Vilson Bala
Drejtor i Policisë së Fierit  –  Skënder Hitaj
Drejtor i Policisë Elbasan  –  Fatmir Hoxha
Drejtor i Policisë Shkodër  –  Fatmir Lleshaj
Drejtor i Policisë Korçë  –  Erion Ahmeti
Drejtor i Policisë Vlorë  –  Elidon Çela
Drejtor i Policisë Lezhë   –  Altin Mena
Drejtor i Policisë Gjirokastër  –  Altin Merizaj
Drejtor i Policisë Berat  –  Luigj Vathi
Drejtor i Policisë Kukës  –  Gentian Berberi
Drejtor i Policisë Dibër  –  Artion Duka