Reforma Territoriale, PD: Rezultoi një dështim, do ta rikthejmë në shërbim të qytetarëve!
Ndarja territoriale aktuale është tërësisht politike dhe ka dhënë rezultate negative, theksuan sot përfaqësuesit e Partisë Demokratike gjatë diskutimit me qytetarët në Elbasan rreth “Reformës Administrative Territoriale”, si një nga reformat më të rëndësishme për mirëqenien e qytetarëve shqiptarë.
Pasojat e kësa ndarje territoriale po i vuajnë qytetarët, sidomos në pjesën e komunave, ku korrupsioni, punimet fiktive dhe mungesa e shërbimit ndaj qytetarit, janë pasojat e saj, konstatuan sot në Elbasan, N/kryetari i Partisë Demokratike, Luçiano Boçi, N/kryetari i Partisë Demokratike dhe anëtari i Komisionit për Reformën Territoriale, Oerd Bylykbashi, Sekretari për Çështjet Ligjore në PD Ivi Kaso, Sekretar për Çështjet e Pushtetit Lokal Ylli Asllani si edhe drejtues të PD në Elbasan në diskutimet e tyre theksuan se
“Ky takim ka në fokus ngritjen e shqetësimeve të asaj që konsiderohet si një ndër reformat më të rëndësishme që është Reforma Administrative Territoriale. Për Reformën Administrative është folur shumë, por deri më tani nuk ka asnjë zgjidhje. Rezultatet e vitit 2015 ishin katastrofë në raport me atë, që konsiderohet si fokusi kryesor i kësaj reforme.
Ndarja e njësive administrative që u zhvillua në atë kohë ishte tërësisht politike. Një ndarje që ka dhënë ato rezultate negative, që të gjithë qytetarët i vuajnë sot, sidomos në pjesën e komunave ku spikasin ndër të tjera, jo vetëm korrupsioni, jo vetëm punimet fiktive, por në radhë të parë mungesa e shërbimit ndaj qytetarit,” tha N/Kryetari i PD, Luçiano Boçi, duke folur për qytetarin i cili sot duhet të harxhojë orë të tëra për një dokumente, për të zgjidhur problemet më jetike, sikundër që nuk merr asnjë lloj shërbimi, përveç se tarifave dhe taksave të rritura për shërbime që nuk i shkojnë asnjëherë në derën e shtëpisë ndërsa përfundoi:
“Kjo reformë sanksionojë jo vetëm një ndarje të gabuar, por sanksionoi dhe një rezultat politikë të numrit të votave, dhe jo konfigurim i atyre arsyeve që bën një reformë.”
