Reforma zgjedhore, Basha-Glover: E vetmja rrugë për të dalë nga kjo krizë!

Pas takimit me drejtuesen e misionit të OSBE/ODHIR, ambasadoren Audrey Glover, Kryetari i Partisë Demokratike, Lulzim Basha, duke theksuar se i shprehu asaj vlerësimin për kontributin e vazhdueshëm të ODIHR për proceset zgjedhore në Shqipëri foli dhe për të vetmen rrugë për të dalë nga kjo krizë.

“Reforma zgjedhore është vendimtare për ne dhe e vetmja rrugë për të dalë nga kjo krizë. T’ua hedhësh fajin të tjerëve është gjëja më e thjeshtë por nuk arrin askund! Ndaj ne duhet të besojmë dhe punojmë fort për ta realizuar këtë reformë. Opozita ka një strategji të qartë dhe është momenti për ta zbatuar pa humbur kohë!” u shpreh Lulzim Basha pas takimit përmes rrjetit social Facebook duke shtuar se të gjithëve u takon të punojnë pa u lodhur për të ndërtuar një të ardhme më të mirë për fëmijët tanë ndërsa përfundoi:

“Një të ardhme ku të kemi një qeveri me të vërtetë të njerëzve, të zgjedhur nga njerëzit dhe që punon vetëm për njerëzit!”