Reforma Zgjedhore/ Marrëveshja, Soreca: Arritje për stabilitetin politik…

Pas përfundimit të Tryezës për Reformën Zgjedhore, Ambasadori i BE-së në Tiranë, Luigi Soreca, duke përshëndetur marrëveshjen ndërpartiake për një reformë gjithëpërfshirëse zgjedhore, në përputhje me rekomandimet e OSBE / ODIHR tha se kjo është një arritje e rëndësishme për rikthimin e stabilitetit politik në Shqipëri si dhe në kontekstin e procesit të integrimit të Shqipërisë në BE.

“Ne besojmë se të gjitha partitë do të vazhdojnë të punojnë së bashku për të përfunduar një reformë zgjedhore në kohë që do të miratohet nga Parlamenti, për të mirën e qytetarëve shqiptarë dhe të ardhmen e tyre evropiane,” tha Ambasadori Soreca pas miratimit të Konkluzioneve për Reformën Zgjedhore.

Ndryshe, në bazë të konkluzioneve të dakordësuara në takimin i cili u zhvillua sot me përfaqësuesit e mazhorancës dhe opozitës së bashkuar. Reforma Zgjedhore duhet të përmbyllet deri më 15 mars 2020 ndërkohë do të formohet Këshilli politik me përfaqësues të opozitës, drejtuesve të Komisionit të Reformës dhe përfaqësues të grupeve parlamentare