Reforma Zgjedhore/ Miratimi, Rama: S’kemi nevojë për opozitën jashtë parlamentare!

Kryeministri Edi Rama edhe nga SHBA e bëri të qartë se vetëm ai është problemi ndërsa përpjekjet e opozitës për zgjidhjen e krizës politike i bëri nul në momentin kur vendimi i opozitës u pëshëndet nga partnerët strategjik, në veçanti nga SHBA.

Urdhëroi “Tërmetin e votave” që ti bëjë ftesë Opozitës së Bashkuar për pjesëmarrje në Konferencën për Reformë Zgjedhore, por kur Opozita mori pjesë dhe shpalosi propozimet e saj duke kërkuar prezencë ndërkombëtare për këtë Reformë, ai e hodhi menjëherë poshtë, duke theksuar se strukturë ndërkombëtare dhe përkthyes në gjuhë të huaj për t’u marrë vesh me shqiptarët nuk kam për të pranuar asnjëherë.

“Qëndrimi im dihet, nuk dua të bëj polemika. Është e qartë tani se duhet të përshpejtojmë procesin e reformës sipas rekomandime të OSBE/ODHIR, një orë e më parë të përmbushim këtë kusht, për të pasur datën e konferencës së parë mes Shqipërisë e shteteve evropiane anëtare që është hapi i parë për procesin e çeljes së negociatave.

Ndërsa për reformën zgjedhore, procesin do e ndajmë në dy pjesë, garantimi i një ligji zgjedhor dhe 2 të respektojmë idetë e tjera por në raport me BE këto të parat janë të domosdoshme. Ne jemi partia e shumicës, kemi dhe ne idetë tona, kontribute për të dhënë përtej këtyre por në raport me BE-në duhen këto dhe në raport me zgjedhjet e ardhshme janë të domosdoshme. Pjesa tjetër është mbase e nevojshme por nuk është gjëja më e domosdoshme. Kështu që edhe ne kemi një ide që do ta çojmë deri në fund që është vota e shqiptarëve jashtë Shqipërisë dhe duam që ata të votojnë në zgjedhjet e ardhshme por kjo i mbetet pjesës së dytë të procesit, natyrisht para zgjedhjeve të ardhshme.

Prioritet tani është kalimi i i ndryshimeve në ligjin zgjedhor sipas rekomandimeve të OSBE/ODHIR.

Për këtë duhet dhe harmonizim edhe me OSBE/ODIHR dhe partnerët ndërkohë që strukturë ndërkombëtare dhe përkthyes në gjuhë të huaj për t’u marrë vesh me shqiptarët nuk kam për të pranuar asnjëherë.”

I pyetur nëse do ta miratoi Reformën Zgjedhore edhe nëse Opozita e Bashkuar është kundër, Edi Rama më i sinqertë se kurrë tha se nuk ka nevojë për Opozitën.

“Për pjesën e parë nuk ka nevojë për opozitën joparlamentare. (Për rekomandimet për Shqipërinë për çeljen e negociatave). Nuk besoj se ata janë kundër, janë të shkruara e bardha në të zezë. kjo i duhet Shqipërisë tani jo qeverisë, të realizojë sa më shpejt vendet e zbrazura të drejtësisë si pasoje e spastrimit.”