Reforma Zgjedhore/ Nuk do të paragjykoj por akuzon opozitën, Gjiknuri: Nëse ka vullnet e mbyllim më 31 Maj!

Pas mbledhjes së Këshillit Politik, Bashkëkryetari i Komisionit Parlamentar për Reformën Zgjedhore, Damian Gjiknuri, nuk do të paragjykoj ama akzuoi opozitën për tendencën e fshirjes së asaj që është arritur deri më tani për këtë refomë ndërsa është i sigurt se nëse ka vullnet reforma mund të mbyllet para 31 majit.

“Ka një tendencë nga ana e opozitës për të fshirë atë që është arritur. Nuk dua ta paragjykoj. Konkluzioni ishte ky, do vazhdojmë me temat e mbetura dhe do vazhdojmë me temën tjetër që nëse PD ka propozime për KQZ. Debate ka është e natyrshme. Kemi miratuar një metodologji që kanë qenë të gjitha palët dakord, që opozita do të sillte të gjitha propozimet për temat, opozita e ka ezauruar këtë të drejtë, është vetëm çështja e KQZ-së,” tha Damian Gjiknuri duke shtuar se nuk kemi të bëjmë me rifillim por me vazhdimin e asaj ku e lamë.

“Nuk mund të rikthejmë më axhendat. Ka një metodologji të dakordësuar dhe nuk mund t’i rikthehemi lojës nga e para. Ka dakordësi që të përfundojë deri në fund të majit. I mbetet ekspertizës që kemi dhe ODIHR. Nuk mund të hapen çështje të reja. Ne kemi zgjedhur një arbitër. Nga diskutimet politike nuk del gjë. Unë mund të kem listën time të dëshirave por kemi një dokument dhe s’mund të lëvizim nga kjo. Për gjërat që nuk ka dakordësi do i drejtohemi ODIHR,” tha përfaqësuesi i Partisë Socialiste në Këshillit Politik duke bërë të qartë dhe për pritshmërinë:

“Presim propozimin për KQZ dhe çështja e kolegjit, ndërkohë që për elementë të tjerë përgjithësisht kemi qenë dakord. Janë një numër çështjesh që ekspertët kanë punuar. Drafti është shpërndarë dhe tek ekspertët e PD-së nuk ka propozime shtesë.”

Dhe, është e çudtishme se si përfaqësuesi socialist pas gjithë asaj drame të turpshme me KQZ-në sërish mendon se ky institucion mund të kontribuojë për reformën zgjedhore duke i lënë në dorë edhe një çështje të rëndësishme si vota e emigrantëve:

“Meqenëse është në distancë, këtë të drejtë ia kemi deleguar KQZ-së. Aktet rregullatorë të KQZ mund të përcaktojnë si mund të ushtrohet vota e emigrantëve,” tha Damian Gjiknuri i bindur se me vullnet politik Reforma Zgjedhore mund të përmbyllet der më 31 Maj:

“Unë do bëj çmos që ne të kemi një marrëveshje deri më 31 maj. Po ka vullnet dhe po të nisemi nga parimet që kemi rënë dakord dhe rekomandimet e ODIHR ne mund të arrijmë marrëveshje dhe para 31 majit.”