Reforma Zgjedhore, Opozita: Të hënën Këshilli Politik, ta përmbyllim Reformën!

Përfaqësuesit e Opozitës së Bashkuar në Këshillin Politik me qëllim të përmbylljes sa më shpejt të Reformës Zgjedhore i kanë kërkuar Përfaqësuesve të mazhorancës në këtë Këshill, që mbledhja e radhës e Grupit Politik dhe eskpertëve të Këshillit Politik si dhe partnerëve ndërkombëtarë, të zhvillohet ditën e hënë më 25 maj 2020.

“Reforma aktuale ka filluar me kërkesë të Opozitës në 2017 dhe falë veprimeve të njëanshme për minimin e saj nga shumica qeverisëse, ka qene e pamundur përmbyllja e saj”, theksojnë përfaqësuesit e opozitës në Kërkesën për mbledhjen e Grupit të Punës së Këshillit Politik për Reformën Zgjedhore duke rikujtuar se reforma zgjedhore është rikthyer si një nga 15 kushtet për hapjen e negociatave me BE pas shkeljes së standarteve nga ana e mazhorancës në zgjedhje e 2015-19..

Duke e bërë të qartë se përkundër faktit që rifillimi i procesit më 11 maj është goditur vazhdimisht nga deklarata dhe veprime të mazhorancës që kanë shkaktuar krizë politike dhe qartazi kishin për i qëllim shkatërrimin e këtij procesi jetik politik Opozita e Bashkuar është e vendosur:

“Pavarësisht këtyre veprimeve të qëllimshme, Opozita e Bashkuar nuk do të heqë dorë nga objektivi i saj për të përmbushur pa vonesë obligimin e saj para shqiptarëve për zgjedhje demokratike,” theksojnë Përfaqësuesit e Opozitës së Bashkuar në Këshillin Politik duke mohuar edhe arritjet që propganadojnë Përfaqësuesi e mazhorancës në këtë Këshill:

“Deklarimet tuaja se është gjetur kompromisi për një sërë çështjesh janë të pavërteta dhe synojnë vetëm fshehjen e të vërtetës që deri më sot nuk ka kompromis për çështjet themelore, për të cilat Opozita e Bashkuar ka paraqitur propozime konkrete,” thekson Kërkesa e sigluar nga Përfaqësuesit e Opozitës së Bashkuar në Këshillin Politik, Oerd Bylykbashi dhe Petrit Vasili të cilët sugjerojnë që mbledhja e radhës e Grupit Politik dhe eskpertëve të Këshillit Politik si dhe partnerëve ndërkombëtarë, të zhvillohet ditën e hënë më 25 maj 2020.

Ndryshe, për këtë Kërkesë, Përfaqësuesit e Opozitës së Bashkuar në Këshillin Politik, Oerd Bylykbashi dhe Petrit Vasili për këtë Kërkesë kanë vënë në dijeni partnerët ndërkombëtarë të përfshirë në proces, BE, SHBA, OSBE dhe KiE.