Reforma Zgjedhore/ Rama ndryshon kurs, Gjiknuri: Do bëjmë çmos që çdo propozim i PD të pranohet!

Ndonëse pas dështimit në Bruksel me çeljen e negociatave, Kryeministri Edi Rama në një komunikimi me mediat tha se mazhoranca do ta miratoj Reformën Zgjedhor me ose pa siç e quan ai, opozitën rrugore, sot Bashkëkryetari i Komisionit të Posaçëm Parlamentar për Reformën Zgjedhore, Damian Gjknuri, duke shprehur gëzimin që PD po e merr seriozisht ftesën për Reformën Zgjedhore, i bëri thirrje Partisë Demokratike që të sjellë propozimin për idetë e saj, duke u mbështetur tek rekomandimet e OSBE/ODHIR.

Krimineli më i madh elektoral dhe drejtusi i Komisionit të Reformës Zgjedhore, Damian Gjiknuri bëri të ditur se Drafti që tashmë është bërë publik, do t’u dërgohet të gjithë aktorëve politikë për të vijuar me diskutimet.

“Pasi të ezaurojmë diskutimin e plotë të paketës, do t’i miratojmë në parim. Paketa tjetër e dytë ka të bëjë me çështje të administrimit të zgjedhjeve që do të jetë një reformë e tërë e procesit të administrimit të zgjedhjeve. Projekti i parë që u diskutua sot ka pasur propozime radikale, siç është detyrimi që për 6 muaj qeveria të publikojë aktivitetin e saj,” tha Damian Gjiknuri duke konfirmuar ndryshimin e kursit të Edi Ramës ndërsa theksoi se fakti që PD nuk e njeh Komisionin e Posaçëm Parlamentar për Reformën Zgjedhore, kjo nuk e pengon atë që të mos vijojë nga puna.

“Nëse ata do të paraqesin draftet e tyre, duke ja dhënë dhe OSBE dhe jo neve drejtpërdrejte, pa qenë në komunikim, do bëjmë çmos që çdo propozim i tyre të pranohet, (në përputhje me OSBE/ODHIR). Mbase do të jetë një rast i rrallë që dakordësia do të shtrihet jashtë parlamentit,” tha Damian Gjiknuri duke i bërë të qartë “Opozitës së Edi Ramës” se për këtë çështje nuk i pyet njeri ndonëse me raste i japin të drejtë vetes të quhen edhe deputet.