Reforma Zgjedhore, Rama paralajmëron opozitën: Ndaloni sharjet sot…

Kryeministri Edi Rama doli në foltoren e parlamentit për të mbrojtur ministrin e Brendshëm, Ish-Gjeneral Sandër Lleshaj, cili siç duket ende nuk e ka kuptuar se çfarë është kriminaliteti e çfarë policia, iu përgjigjë edhe deputetes Rudian Hajdari dhe përfundoi te Reforma Zgjedhore duke paralajmëruar Opozitën e Bashkuar që të mos kujtojnë se PS është noterë të çdo teke të tyre dhe ti ndalojnë sharjet sot

“Zerimi i vëllavrasjes është një përrallë pa mbret sepse nuk ka asnjë vend demokratik që të ketë zëruar vrasjet. Nuk ka asnjë vend demokrati, edhe vendet më të zhvilluara e më të sofistikuara nuk i kanë zëruar as vrasjet, as trafiqet, as kriminelët, as policët e korruptuar. Nuk i kanë zëruar. Jo shumë larg në kohë por pak kohë më parë drejtori i policisë i një prej vendeve që rankohen më lart prej vitesh, Finlanda me kriminalitet të ulët e korrupsion thuajse zero doli se për vite e vite kishte bashkëpunuar me krimin. Unë besoj që fakti që gjatë qeverisjes sonë janë në numër të konsiderueshëm policët që janë arrestuar, janë çuar për hetime penale, janë pezulluar nuk tregon bashkëpunim me krimin, nuk tregon një fakt si ai që përshkruani ju por tregon të kundërtën, vullnet e angazhim për të luftuar qoftë përballë, qoftë brenda vetes,” tha Edi Rama duke sugjeruar deputetët ta lexojnë progres-raportin e Bashkimit Evropian, duke i bindur se KE janë monitor të pakorruptueshëm të gjitha proceseve dhe nëse shohin se çfarë thonë për luftën kundër krimit në Shqipëri do shohin ndryshimin e madh mes të sotmes dhe të djeshmes.

Dhe, kur kalon 120 sekonda si zakonisht Kryeministri Edi Rama kalon në delir duke folur për Reformën në Drejtësi edhe pse vetëm dita e djeshme na bënë turp që jemi shqiptar kur dihet se cila gjyqtare kaloi vettingun. Gjithsesi nuk quhet kot Edi Rama, ai vazhdoi:

“Nga ana tjetër sot jo dje, sot po ndodh ajo që deri dje ishte e paimagjinueshme. Po ndodh një proces reformimi rrënjësor në sistemin e drejtësisë, një procesi ndërlikuar, i gjatë dhe me defektet e veta dhe po ndodh ndjekja këmba-këmbës e aseteve kriminale. Ju flisni këtu për shoferë,  për njerëz me kapele, pa kapele, për njërin që doli tek kthesa, ndërkohë që ne jemi parlamenti i Shqipërisë. Këtu nuk flitet kështu. Sigurisht që është folur kështu dhe flitet por nuk duhet të flitet kështu. Kjo që tha ministri ndodh sot. Doni nuk doni ju, ministri i Brendshëm nuk është as hetues, as prokuror, as njeriu që mbledh kamerat e ti tregojë Policisë së Shtetit si shihen kamerat. Policia është e pavarur në aktivitetin e saj profesional,” tha Rama duke shtuar se policia sot nuk mund të krahasohet me policinë dje dhe se është institucioni më i besueshëm për qytetarët shqiptarë pa cituar se cilit sondazh i referohet, që një konkluzion të tillë nuk ja nnxjerrë as Zaloshnja me një policia kaq të paaftë dhe kriminale.

“Ju nuk mund të flisni policët kështu, policët ashtu. Ju duhet t’i respektoni dhe ju duhet t’i nderoni sepse asnjë një, as dy, as 100, as 300, as 500, as 1000 që nuk janë mbase siç do dëshironit ju të ishin nuk e bëjnë dot rregullin dhe nuk e bëjnë dot argumentin që policët e shtetit se ata janë mijëra dhe janë njerëz që meritojnë respekt dhe policia e shtetit sot patjetër ka 1000 gjëra për të përmirësuar por nuk mund të krahasohet me policinë që ishte dje dhe çdo vit e më mirë.

Ka një fakt zoti Valteri, këtu në parlament është bërë nami për ta bërë baltë policinë e shtetit dhe çuditërisht populli shqiptar kur pyetet kush është institucioni më i besueshëm në Shqipëri, zgjedh policinë. Policia nuk bën lajm kur parandalon vrasje, lajmin e bën vrasja. Faktikisht sot jo zbulueshmëria, por kapja e autorëve të krimeve as nuk krahasohet me përpara,” tha Edi Rama duke përfunduar leksionin për opozitën që sajoi në parlamenta për ta përbaltur edhe atë që braktisi idiotësitë e tij autokrate.

Dhe, fjalimet e opozitës që sajoi në parlament për ti votuar ligjet dhe aktet normative kriminale sot i ngjajnë me të njëjtën pllakë gramafoni si ajo e PD-së.

“Fjalimet tuaja janë po ajo pllakë gramafoni, pasi s’keni lidhje me ushtrinë, por jeni më familjarë se ai. Nga një anë duan çdo gjë si e duan ata, nga ana tjetër s’lënë gjë pa thënë ndaj nesh. Ndaj nesh, se ndaj ju, po e po. Ju jeni bijtë e mohuar të PD. Meritoni ato që ju thonë, me thënë të drejtën se ata ju kanë sjellë këtu dhe i keni dalë nga rreshti. Po me ne ça kanë? Kanë atë që është pamundësia për të kapërcyer një kulturë politike që është problem i madh i këtij vendi bashkë me mënyrën se si pasqyrohet në media. Ne themi; duam BE dhe jemi evropiane. Ne themi se duam të integrojmë vendin drejt BE dhe predikojmë se jemi më të zotë se tjetri për ta bërë këtë. Kur japim argumente se pse jemi më të zotë, dominon kultura e akuzës, e shpifjeve, e fyerjeve dhe sakatimin psikologjik të një mileti të tërë që nga këto merr shembullin më të keq,” tha Edi Rama e meqë Rudina Hajdari nuk i duhet më dhe mamanë i largoi nga sistemi i drejtësisë, i kujtoi deputetes Hajdari se ka firmosur në selinë e Ambasadës së SHBA një Marrëveshje, si pjesë e Këshillit Politikë të Reformës në Drejtësi.

“Keni firmosur në selinë e një ambasade mike. Por natyrisht që përderisa ju ju referuat atyre që unë kam thënë në këtë sallë kohë më parë dhe po më kërkoni mua llogari për shkallët. Së pari, ajo që unë kam thënë këtu znj. Hajdari kohë më parë kur opozita jashtëparlamentare ishte rrugëve dhe kërcënonte për revolucionin permanent ka qenë të mos humbnim kohë, të uleshim në tavolinë, ne dhe ju dhe të diskutonim adresimin e rekomandimeve të OSBE-ODIHR për të mbyllur detyrimin që buron dhe nga ajo që ka lënë të shkruar Këshilli Europian dhe pastaj kam thënë që të diskutojmë në një moment të dytë temën që ju diskutuar. Ju asnjëherë nuk më dëgjuat. Se nëse do të ishim ulur qysh atëherë kur ata të tjerët e kishin ndarë mendjen që do ta merrnin pushtetin me dhunë, sot do ishim duke bërë biseda të tjera jo këtë bisedë. Eksperienca bën të vetën dhe kur eksperienca mungon mbrapa vjen dhe fatura. ka një gjë në politikë që nuk mund të kapërcehet që është koha. Ju e kapërcyet atë moment kohor duke u mjaftuar me rënien e daulleve, lista të hapura dhe pa bërë asgjë tjetër dhe pa marrë në konsideratë që PS nuk është fondacioni popullit. Ju kujtohet fondacioni “Populli”, gjenerali Rrapush. PS është një forcë politike që ka dhe ajo interesat e veta dhe si forca më e madhe politike këto interesa më të përputhura kombëtare se ju sepse dhe përgjegjësinë e ka më të madhe. Kjo temë është në zhvillim e sipër dhe më vjen keq sepse e shoh dhe në sjelljen publike të atyre që janë jashtë që kujtojnë se mund ta kalojnë lumin mbi kalin mbrapsht. Nga një anë me kushte pas kushtesh dhe nga ana tjetër duke dalë për ditë duke na sharë e akuzuar. Kjo është një nga shprehjet e kulturës politike.”

Në fund, për të arsyetuar mirë këtë dalje në foltoren e parlamentit ai foli edhe për kërkesat e Opozitës së Bashkuar në Këshillin Politik dhe qëndrimin për Reformën Zgjedhore. E riktheu arrogancën në barkun e tij duke parë frikën në barkun e rivalëve politik, u kërkoj të ndalojnë sharjet ndërsa kërcënoi se nuk do të jenë noterë të çdo teke të tyre.

“Aty është në bark frika nga zgjedhjet. Ndaj vijnë me propozime ekstravagante për KQZ. Ndërkohë që kemi rënë dakord që KQZ do jetë e depolizituar. Tani thonë jo zgjedhjet e ardhshme vendore por zgjedhjet e ardhshme të përgjithshme se mendojnë që do jenë prapë në opozitë.

Këta si duket mendojnë vetëm se si do humbin dhe çfarë do bëjnë pasi të humbin. Ama zvarritja nuk ndihmon. Kërkesat e përsëritura dhe sharjet që i shoqërojnë përditë nuk ndihmojnë. Unë kam bërë një zgjedhje që në këtë pikë të jemi në dispozicion dhe përtej faktit që mbase duket shaka që të lehtësojmë barrën e frikës, t’u japim gjithçka që duam, mos kujtoni se jemi noterë të çdo teke dhe të çdo kohe që ju vendosni se kur bëhet dhe kur s’bëhet dhe t’i ndaloni sharjet sot. Mësimin ua kemi thënë disa herë dhe prapë ua themi.”