Reforma Zgjedhore, SHBA dhe BE përgënjeshtrojnë Lulzim Bashën:Nuk kemi ndërmjetësuar!
Ndonëse mikeshën e tyre Yuri Kim nuk e kanë në detyrë, dyshja kriminale Rama-Basha vazhdon të njollosë emrin e SHBA duke e vendos si ndërmjetës në çdo pisllëk që ata bëjnë në politikë, dhe së fundi me Marrëveshjen Gjiknuri-Alibeaj për Reformën Zgjedhore.
Por, Lulzim Basha, kësaj rradhe u përballë me reagimin e SHBA e cila e përgënjeshtroi se ka ndërmjetësuar në makabritetet e tij politike me Edi Ramën, dhe i tillë ishte edhe reagimi i Zyrës së BE, duke e bërë të qartë se një Reformë Zgjedhore është e pranueshme vetëm nëse miratohet me konsensusin e të gjitha palëve.
“Si pjesë e angazhimit tonë normal diplomatik me anëtarë të parlamentit, Ambasada e SHBA takohet rregullisht me kryetarë, bashkëkryetarë dhe anëtarë të komisioneve të ndryshme parlamentare, përfshi Komisionin për Reformën Zgjedhore. Takimet nuk janë pjesë e ndonjë ndërmjetësimi. Interesi ynë mbetet për qeverisje të efektshme dhe përfaqësuese për të zbatuar rekomandimet e ODIHR-it dhe mirëpresim idetë e të gjitha partive të përgjegjshme për këtë qëllim,” shprehet Ambasada e SHBA në Tiranë duke hedhur poshtë pretendimin e Lulzim Bashës se SHBA ka ndërmjetësuar dakordësinë për marrëveshjen e arritur mes Damian Gjiknurit dhe Enkelejd Alibeajt dhe se janë kryer negociata.
Një sqarim rreth mashtrimeve të Lulzim Bashës u detyrua të bëjë edhe Zyra e BE në Tiranë:
“Në përgjigje të raportimeve që qarkullojnë në media, dëshirojmë të sqarojmë se ndërkohë që BE-ja nuk është e përfshirë në asnjë ndërmjetësim, qëndrimi ynë mbetet i njëjtë: vazhdojmë të theksojmë nevojën për të ndjekur rekomandimet e OSBE/ODIHR. Siç e kemi thënë edhe më parë, përfshirë edhe Raportin e vitit 2023 për Shqipërinë, reforma zgjedhore kërkon dialog politik konstruktiv dhe gjithëpërfshirës të të gjitha palëve.”
Ndryshe, pas përfundimit të seancës së parë të këtij sesioni të ri tha se “në bashkëpunim me faktorin ndërkombëtar ia kemi dalë të marrim një hap të parë modest për largimin e papërgjegjshmërisë politike përmes Reformës Zgjedhore dhe në bashkëpunim me aleatët strategjik të Shqipërisë, Partia Demokratike ia ka dalë të bindë palën tjetër për nisjen e punës për Reformën Zgjedhore.”
