Reforma Zgjedhore, SHBA: Mirëpresim vendimin e Lulzim Bashës. Presim liderët tjerë…
Pas deklaratës së Kryetarit të Partisë Demokratike, Lulzim Basha, mbi vendosmërinë e përfundimit të Reformës Zgjedhore ka reaguar Ambasadorja e SHBA, Yuri Kim duke mirërpritur këtë vendim ndërsa janë në pritje edhe të liderëve të tjerë.
“Ne mirëpresim vendimin e Kryetarit të PD Lulzim Basha për të përfunduar reformën zgjedhore,” thekson Ambasadorja e SHBA, Yuri Kim, në reagimin e saj përmes rrjetit social Twitter duke përfunduar:
Ne mezi presim liderë të tjerë që tregojnë udhëheqje të ngjashme!
Pas Ambasadores amerikane, Yuri Kim, ka reaguar edhe Ambasadori i BE, Luigi Soreca, i cili duke përshëndetur vendimin e Kryetarit të PD, Lulzim Basha për t’u rikthyer në tryezën e Këshillit Politik të Reformës Zgjedhore thekson se i shërben interesit më të lartë të Shqipërisë.
“Përshëndesim Lulzim Bashën me vendimin për të rifilluar punën ndër-partiake në Këshillin Politik të Reformës Zgjedhore. Ai shërben për interesin më të lartë të Shqipërisë dhe kontribuon në përfundimin e kësaj reforme të rëndësishme pa vonesë të mëtejshme, në mënyrë që të përmbushë kushtin e vendosur marsin e kaluar nga Këshilli Europian.”
Ndryshe, sot Kryetari i Partisë Demokratike, Lulzim Basha, pas konsultimeve me ekspertët e bëri të qartë se PD dhe Opozita e Bashkuar është e vendosur që t’iu japë shqiptarëve një orë e më parë garancitë për t’iu drejtuar kutive të votimit dhe për t’u bashkuar në një votë plebishitare për të larguar këtë të keqe.
