Refuzoi të vaksinohet, gjermanja: Doktori më bëri ofertën, nuk e refuzova dot!

Katja, 49 vjeç, nga Gjermania për një kohë të gjatë ka refuzuar të vaksinohet kundër COVID-19 sepse konsideronte se nuk është fortë e besueshme. Por, pasi doktori i bëri një ofertë ajo nuk e refuzoi dot.

“Unë jam një person i cili vlerëson marrëdhënien në mes të riskut dhe dobisë. Madje edhe kur e kam migrenën, them a ka kuptim të marrë ilaçin kundër dhimbjeve. Kam dëgjuar ca gjëra për vaksinën dhe kam menduar se nuk është e sigurt. Duke pasur parasysh vitet dhe se nuk kisha shqetësime shëndetësore, konsiderova se ka kohë dhe se është më mirë që para meje të vaksinohen të tjerët. Sinqerisht, kam shpresuar se virusi do të zhduket deri sa të më vijë radha,” ka rrëfyer Katja për gazetën gjermane Focus.

Oferta e jashtëzakonshme

Mjeku, thotë ajo, kurrë nuk i kishte bërë presion që të vaksinohet. I ka thënë qartë se është më mirë për të gjithë që të vaksinohen sa më shumë njerëz, por në fund të fundit është vendimi i saj.

Kur e pa se frika ishte efekti anësor i saj, në një moment i dha një ofertë të jashtëzakonshme. 

“Mjeku më tha se tromboza ose inflamacioni i muskulit të zemrës nuk paraqiten papritmas, menjëherë pas vaksinimit, dhe se këto efekte anësore kanë kohën e tyre të zhvillimit. Tha që nëse dua, pas vaksinimit mund të vijë çdo ditë në ordinancën e tij për vizitë, për ti bërë analizat e gjakut dhe kontrollet tjera,” tha Katja duke shtuar se ishte vaksinuar disa javë pas kësaj bisede sepse vlerësoi se vlerësimi i riskut dhe dobisë anon nga vaksinimi.

Pas dozës së parë, ishte e lodhur dhe po vëzhgonte simptomat tjera. Pas dhjetë ditësh iu shfaq kokëdhimbja e fortë dhe shkoi për vizitë te mjeku. Doktori i tha se bëhet fjalë për një sulm migrene që nuk ka lidhje me vaksinimin.

“Sikur mos të isha vaksinuar nuk do shkoja te mjeku në vizitë. Por doja të isha e sigurt sepse mund të ishte dhe simptomë e trombozës. Për fat, nuk ishte, gjithçka ishte në rregull, ishte vetëm një sulm i migrenës time,” tha Katja duke shtuar se pas dozës së dytë, kisha rritje temperature dhe dhimbje trupi, që zgjati vetëm 24 orë.

“Tani ndjehem shumë mirë! Më vjen mirë që mora vendim për tu vaksinuar dhe që kam një mjek të cilit mund ti besoj. Këtë ia uroj të gjithëve,” përfundoj Katja.