Rektorët në Komisionin e Edukimit/ Koni: Mbështesim kërkesat e studentëve!

Sot në Komisionin e Medias dhe Edukimit, Rektorët e Universiteteve kanë dhënë detaje lidhur me situatën e krijuar në universitetet që ata drejtojnë ndërsa kanë four edhe për protestën

Rektori i Universitetit të Tiranës, Mynyr Koni, u shpreh hapur në mbështetje te kërkesave të studentëve ndërsa arsyetoj qëndrimin:

“Gjatë dhjetorit dhe në janar të vitit 2019, institucionet e Arsimit të Lartë u përfshin në disa protesta. Kërkesat e studentëve i mbështesim dhe kemi ofruar bashkëpunim. Unë personalisht si rektor të gjitha qëndrimet e Asambleve i mbështesë për shkak se kërkesat e Asambleve kryesore kanë marrë në analizë situatën dhe janë shprehur me kërkesa. Universiteti i Tiranës ka një buxhet shumë të vogël në nivelin e pagave. Kam kërkuar rritjen e vazhdueshme për kërkimet shkencore dhe mungesa e fondeve dëmton punën e kërkimit shkencor në këto vite.”

Ndërsa Rektori i Mjekësisë, Arben Gjata, shtoi se ishte protesta ajo që bëri të reflektojnë:

 “Kjo protestë e studentëve shkundi universitetin, administratën dhe qeverinë dhe i beri ato të  reflektojnë. Kaluam një situatë të vështirë me universitetet”.

Ndërkohë Rektori i Universitetit të Arteve, Kastriot Çaushi, mendon se zgjidhja e statusit të veçantë dhe mënyra e financimit i japinë shqetësimeve.

“Do t’u lutesha shumë të mund të influenconi që Universiteti i Arteve ashtu siç ka qenë në projekt të marrë statusin e veçantë dhe mënyra e financimit duhet të jetë e ndryshme. Nëse zgjidhen këto dy gjëra ne do të hamë me “lugë floriri”, në të kundërt do të jemi keq,” tha Kastriot Çaushi i cili duke qenë dëshmitar i një Komisioni ku anëtarë mund të jenë edhe deputetët si, Albana Vokshi dhe Fidel Ylli, që grinden kot, kishte dhe një kërkesë njerëzore për paqe:  

“Bëhuni bashkë ju që ne të ecim më mbarë, unë sa kam mbaruar një film, unë puthesha me atë italianen, bënim paqe për një gjë të madhe, pastaj as nuk e njihnim njëri-tjetrin, ajo ka ikur, unë jam këtu, puthuni dhe përqafohuni për një gjë që është jona dhe e fëmijëve tanë, po nuk e bëtë këtë do e kemi shumë të vështirë tju vijmë mbrapa. E shikojmë tek ju atë gjë, ne jemi zëra që e përcojmë te studentët dhe pedagogët, por do të vijmë te ju, tek ju do reflektojmë dhe nëse ju nuk bini dakord, do ju lutesha, është gjëja më kryesore në një shtet, komb, arsimin, gjeni ca ura të përbashkëta ju që edhe ne të reflektojmë.”