Rekursi i Saimir Tahirit, Gjykata e Lartë rikthen çështjen në Apelin e GJKKO!
Gjykata e Lartë ka kthyer çështjen e Saimir Tahirit në Apelin e GJKKO. Kjo ishte kërkesa e vetë Ish-Ministrit të Brendshëm, Saimir Tahiri ndërkohë Gjykata e Lartë ka rrëzuar kërkesën e Ish-Drejtorit të Policisë Vlorë, Jaeld Cela për t’u liruar.
Kështu, Saimir Tahiri do të rigjykohet nga Apeli i GJKKO ku do të marrë një vendim të formës së prerë, që do të jetë dhe beteja e fundit e Ish-Ministrit të Brendshëm me drejtësinë.
Ndryshe, Gjykata e Lartë konstatoi 3 shkelje proceduriale sipas avokatit të tij, në vendimin e mëparshëm të Apelit të GJKKO, ku njëra prej tyre ishte se pjesë e trupës gjykuese ishin gjyqtarë që kishin cënuar paanshmërinë dhe pozicionin juridik të personit në procesin penal.
Dënimi i fundit që mori Ish-Ministri i Brendshëm, Saimir Tahiri ishte me 5 vite burg i konvertuar në 3.4 vite shërbim prove. SPAK e ka akuzuar për trafik droge, por deri më tani Saimir Tahiri është dënuar vetëm për shpërdorim detyre.
