Rënia e ministrit të tretë të Edi Ramës, Basha: Dëshmi e krizës së thellë politike dhe morale!

Rënia e ministrit të tretë të propozuar nga Edi Rama, për kryetarin e Partisë Demokratike Lulzim Basha, është dëshmi e krizës së thellë politike dhe morale.

“Presidenti ka kompetencat e tij kushtetuese dhe jam i sigurt që ai do të japë te gjitha aspektin kushtetues për dekretimin apo mos dekretimin e ministrit të Brendshëm të propozuar nga Edi Rama. Një gjë është e sigurt që lëvizja e ashpër, në atë që nuk është lojë shahu, është dhe do te jete vetë largimi i kryeministrit Rama. Rënia e ministrit të tretë të propozuar nga Rama është dëshmi e krizës së thellë politike dhe morale,” tha Lulzim Basha nga Korça, në reagimin e tij të parë pasi Sandër Lleshi nuk u dekretua ministër i Brendshëm nga Presidenti, duke shtuar:

“Vendi është pa kryeministër, pa gjykatës, pa prokurori. Përgjegjësia për këtë është se vendi është një organizate kriminale dhe përgjegjësia ngelet mbi Ramën!”