Rënie e madhe në bursat evropiane, shqetësime për masat e Presidentit Trump

Çmimet e aksioneve në bursat evropiane ranë ndjeshëm këtë mëngjes pasi Washingtoni vendosi tarifa për importet nga Canadaja, Mexico dhe Kina, si dhe kërcënoi gjithashtu Bashkimin Evropian.

Kështu Indeksi STOXX 600 i aksioneve kryesore evropiane ra me 1.3 për qind në orën 9:30 të mëngjesit, duke pësuar rënie nga një nivel rekord.

Indeksi FTSE i Londrës ra 1.17 për qind në 8.570 pikë, ndërsa DAX i Frankfurtit pësoi rënie me 1.98 për qind në 21.300 pikë dhe CAC i Parisit 1.94 për qind në 7795 pikë.

Çmimet e aksioneve në sektorin e automobilave ra më së shumti mëngjesin e sotëm, mesatarisht rreth 4 për qind, ndërsa sektori i teknologjisë, industrisë dhe minierave ra me më shumë se 2 për qind.

Çmimet e aksioneve ranë ndjeshëm edhe në bursat aziatike. Indeksi Nikkei i Japonisë ra me 2.7 për qind në orën 9:30 të mëngjesit, ndërsa çmimet e aksioneve në Hong Kong, Australi dhe Korenë e Jugut ranë midis 0.2 dhe 2.5 për qind.

Tregjet kineze të aksioneve janë ende të mbyllura për shkak të festimit të Vitit të Ri.

Sipas analistëve, rënia e madhe e çmimeve të aksioneve është pasojë e vendimit të presidentit amerikan për vendosjen e tarifave.

Ndryshe, Presidenti i SHBA, Donald Trump, firmosi një urdhër ekzekutiv gjatë fundjavës duke vendosur tarifa prej 25 për qind për importet e mallrave nga Mexico dhe Canadaja dhe 10 për qind për produktet kineze. Ky vendim do të zbatohet duke filluar nga dita e martë.

Presidenti Trump tha gjithashtu se planifikon shumë shpejtë të vendosë tarifa për importet edhe nga Bashkimi Evropian.