Replikë/ Rama: Ç’është ajo sallë dasmash; Basha: Për ty dhimbja është dasëm o hajdut i mafies së plehrave!
Pas akuzave mbi situatën e krijuar me COVID-19 dhe denoncimin e 420 milionë eurove nga mafia e plehrave, ku Kryetari i Partisë Demokratike, Lulzim kërkoi hetime urgjente nga SPAK, ka reaguar Kryeministri Edi Rama përmes rrjetit social Twitter duke e quajtur një dhëndërr të inatosur që klithte nga një sallë dasmash pse po pastrohet Shqipëria nga plehrat! Por i menjëhershëm ishte dhe reagimi i liderit të Opozitës së Bashkuar i cili nuk çuditet pse dhimbja e shqiptarëve është dasëm për një hajdut të mafias së plehrave!
“Po ç’është ajo sallë dasmash ku i bëke konferencat o Lulëzim?!Të ndoqa pak sot e u habita, qesharake shumë salla dhe ti si dhëndërr i inatosur që klithje pse po pastrohet Shqipëria nga plehrat! Po si mund të jesh kaq nostalgjik për plehrat që i bëre mal në Tiranë e ndote dynjanë!” thekson Edi Rama pasi Lulzim Basha përmbylli bashkëbisedimin me gazetarë duke shtuar:
“Po si mund t’u thuash shqiptarëve që mafia po pastron Shqipërinë nga haletë gjigande në mes të qyteteve më të mëdha të vendit e nga helmet që pushtuan ajrin me dekada në Tiranë, Durrës, Elbasan, Fier e gjetkë?! Po pse kështu do bëhesh KM ti o miku im Artist, me plehrat në gojë?!”
Por Kryeministri Edi Rama s’mjaftohet me kaq! Ky mjeshtër i demagogjisë i thotë Kryetarit të PD që sa më shumë që qanë për plehrat që po pastrohen, aq më shumë do mërzitesh në 25 prill!
“E ke dëgjuar mirë nga unë, se ta kam thënë shpesh, shqiptarët s’janë budallenj, po ajo që s’kupton ti kur e thua këtë është se shqiptarët s’kthehen më tek plehrat o Lul! Sa më shumë do vuash në sytë e tyre duke qarë për plehrat që po pastrohen, aq më shumë do mërzitesh në 25 prill!”
Por Kryetari i Partisë Demokratike, Lulzim Basha, pasi i tha të gjitha dje dhe sot si me abuzimet që Edi Rama bënë me COVID-19 dhe viktimat e tij, inceneratorët dhe përfituesit e saj, së fundi dhe thirrjes që i bëri SPAK për hetuar, në reagimin e tij përmes rrjetit social Twitter vetëm sa shtoi që pas çdo dhimbje dhe vuajtje të shqiptarëve qëndron një vjedhje e tij.
“Dhimbjet e shqiptarëve që ke zhytur në skamje e nuk kanë mundësi as për ilaçe, shëndetësia në kolaps, ekonomia në krizë, zbrazja e vendit nga rinia për ty është dasëm o hajduti i mafias së plehrave. Pas çdo dhimbje dhe vuajtje të shqiptarëve qëndron një vjedhje e jotja.”
Ndryshe, pas denoncimit të djeshëm mbi mafien e plehrave sot Kryetari i Partisë Demokratike, Lulzim Basha, i bëri thirrje medias të refuzojnë paratë e mafies së plehrave pasi një pjesë e medias censuroi denoncimin për maifen e inceneratorëve, Edi Rama, Arben Ahmetaj, Erion Velaij dhe Klodian Mertiri, ndërsa citoi raportet e Ministrisë së Finanve dhe KLSH, i bëri thirrje SPAK të nisë urgjentisht hetimet për aferën 400 milionë euro të mafies së plehrave.
