Reporterët pa kufij/ Autogoli i Edi Ramës, “virgjëreshave” u kujton vitin 2013, kur i shërbyen atij…

Pas publikimit të Raportit të organizatës “Reporterët pa kufij”, mbi lirinë e medias në vend ka reaguar në mënyrë të çuditshme Kryeministri Edi Rama, jo duke reflektuar për përkeqësimin e situatës së lirisë së mediave, por duke i sjellë në vëmendje mediave që sot e kritikojnë në mënyrë të egër, vitin 2013.

Duke i quajtur “virgjëresha”, mediat që “vrisnin qytetarë, rrihnin e plagosnin gazetarë dhe sot bëjnë moral”, Edi Rama harron se viti 2013, ishte viti kur “virgjëreshat” i shërbenin atij duke manipuluar opinionin me “Griselda” dhe “shkelzena që trafikonin armë”, vetëm e vetëm që ta largojnë Saliun nga pushteti dhe ta sjellin shkëlqesinë e tyre, Edvin Kristaq Rama.

Mospërfillja e “virgjëreshave” me marrjen e plotë të tepsisë, në vitin 2017, është dhe momenti kur Edi Ramës i përkeqësohet liria e mediave në Shqipëri që me statusin e sotëm në rrjetin social Twitter ndryshe quhet AUTOGOL!

Ja postimi i plotë:

“Një pasqyrë kujtese “virgjëreshave” që vrisnin qytetarë,rrihnin e plagosnin gazetarë dhe sot bëjnë moral! Ka ende shumë për të bërë për lirinë e medias dhe ndarjen e lumit të informacionit nga llumi i kazanit po ashtu. Por me këtë qeveri s’ka media të shantazhuar e liri të mohuar!”