Reporterët pa kufij/ Edi Rama miraton ligje, liria e mediave përkeqësohet

Ndonëse Kryeministri Edi Rama me parlamentin e tij monist, pretendonte se me miratimin e Paketës Antishpifje do të rritet cilësia e lajmeve dhe mediave dhe do të zhduken lajmet e rreme, raporti i fundit i “Reporterëve pa Kufij” konfirmon atë që shumë njohës të mediave kishin paralajmëruar, përkeqësimin e lirisë dhe shtimin e sulmeve ndaj gazetarëve.

Kështu në listën aktuale të lirisë së shtypit për vitin 2020, organizata “Reporterë pa kufi”, ROG ndërsa ka hulumtuar situatën në 180 vende të botës, Shqipërinë e rendit të 84-në ose dy vende më poshtë se në vitin 2019.

Deri sa në krye të listës qëndron Norvegjia, e ndjekur nga Finlanda dhe Danimarka, dhe në fund të renditjes së lirisë së shtypit qëndron Koreja e Veriut, pas Turkmenistanit, Eritres dhe Kinës, vendet e Ballkanit renditn në mesin e artë edhe pse i turpshëm. Shqipëria renditet e 84, Kosova në vendin e 70-të, Bosnje Hercegovina 58, Kroacia zë vendin e 59, Maqedonia e Veriut 92, Serbia 93 dhe Mali i Zi në vendin e 105.

Ashtu si gjendja e emergjencës natyrore që përkeqësoi lirinë mediave, Paketa Antishpifje pritet që përveç censurës të rritë presionin qeveritar ndaj medias i cili dha efektet që nga shfaqja e Kryeministrit Edi Rama me kërcënime dhe idenë e Ligjit i cili do ti jep fund shpifjeve dhe manipulimit mediatik, armë këto me të cilat Rama erdhi në pushtet dhe e mbajti atë.

Ndryshe, ndonëse lista e lirisë së shtypit nga organizata “Reporterët pa kufi” hartohet duke u bazuar në pyetësorët dhe shifrat për sulmet ndaj mediave e gazetarëve, në Shqipëri si pyetësorët ashtu dhe denoncimet mbi sulmet ndaj gazetarëve, për fat të keq janë nën kontrollin e pronarëve të mediave kryesore në vend, përkatësisht Edi Ramës.