Rëra e saharasë mbërrin në Kroaci, të premten Ballkani në pikun e valës së të nxehtit

Në orët e mëngjesit, mbi Kroaci sot mund të vërehej rëra e saharasë ndërkohë pamjet satelitore tregojnë prezencën e qartë, dhe pikërisht për këtë arsye në disa zona u krijua përshtypja se bëhet fjalë për vranësira.

Enti Shtetëror Hidrometeorologjik i Kroacisë, DHMZ, bënë të ditur se sasia më e madhe e rërës së saharasë do jetë të premten.

Vala e të nxehtit deri të shtunën

Nga juglindja, DHMZ raporton se do të vijë ajri gjithnjë e më i ngrohtë.

Kështu, nesër pritet rrezik i moderuar në pjesën më madhe të Ballkanit, ndërsa të premten që do të jetë dhe dita më e nxehtë e kësaj jave me temperaturën maksimale deri në 37°C, rreziku do të jetë i madh.

Vala e të nxehtit në pjesën më të madhe do të vazhdoj edhe të shtunën por me intensitet më të ulët, me lagështi më të madhe ajri që mund të shndërrohet në reshje shiu të shoqëruar me shkreptima, të paktën në vendet malore.

Ndërkohë Instituti i Gjeoshkencave në Tiranë parashikon temperaturën maksimale në bregdet deri në 35 °C ndërsa në vendet e ulëta deri në 40 °C.