Reshje bore, ARRSH: Gjendja e akseve rrugore, ja ku rekomandohen zinxhirë…

Pas reshjeve të borës me inensitet gjatë gjithë natës, shoqëruar dhe me temperatura të ulëta, Autoriteti Rrugor Shqiptar, ARRSH, raporton për gjendjen e rrugëve në vend ku për shkak të ngricave në akset Korçë-Qafë Qarri, Korçë-Dardhë, në pjesën fundore të aksit Krujë-Sarisalltik, Dajtit, Qafë Priskë- Qafë Mollë rekomandohet kalimi me zinxhirë.

Në fund, drejtuesit e mjeteve rekomandohen të jenë të kujdesshëm, të reduktojnë shpejtësinë, të respektojnë sinjalistikën rrugore, dhe të pajisen me goma dimërore dhe zinxhirë.

Njoftim mbi gjendjen e akseve kombëtare

Gjatë natës ka pasur reshje bore me intensitet shoqëruar me temperatura të ulëta.

Kontraktorët kanë bërë shpërnadrjen e kripës dhe pastrimin e të gjitha akseve, si në: Dedaj-Razëm-Bogë, Qafë Mali-Fierzë, Kuben Vasije, Tammare-Shkodër, Burrel-Klos-Peshkopi, Kukë-Has, Përrenjas-Kapshticë, ku qarkullimi vazhdon normalisht.

Në akset Korçë-Qafë Qarri, Korçë-Dardhë, në pjesën fundore të aksit Krujë-Sarisalltik me gjatësi prej 2 km rekomandohen goma dimërore dhe përdoruesit e mjeteve të pajisen me zinxhirë gjatë natës dhe në orët e para të mëngjesit për shkak të ngricave. Vazhdon puna me mjete borë pastruese.

Në akset e Dajtit, Qafë Priskë- Qafë Mollë rekomandohet kalimi me zinxhirë, pasi ka prezencë të ngricave në disa vende.

Drejtuesit e mjeteve të tregohen të kujdesshëm, të reduktojnë shpejtësinë, të respektojnë sinjalistikën rrugore, të pajisen me goma dimërore dhe zinxhirë