Reshje bore, bllokohen Rruga e Kombit dhe Rruga e Arbrit, 300 persona të bllokuar në Qafë Murriz

Rruga e Kombit përvetësuar nga Qet Kastrati dhe Edi Rama si e vetmja rrugë që paguhet në tokën shqiptare është de rruga e parë sapo ta fjollat e para të borës marrin guximin të bien mbi asfalt.

Pasi një trajler ngeci në borë dhe stresat e para të akullit, u bllokua një korsi lëvizëse në autostradë ndërkohë problematike ngeli kasi Fan-Kolsh, në një gjatësi prej afro 30 kilometrash.

Shoferët panë pas disa orësh borëpastruese, por, gjithashtu i shoqëroi në Rrugën e Kombit dhe krijimi i shtresës së akullit si dhe mjetet e tonazhit të rëndë që vazhduan të lëvizin me vështirësi me 20 km në orë.

Situatë dramatike paraqitet edhe në Rrugën e Arbrit ku të bllokuar për shumë se 7 orë vazhdojnë të qëndrojnë në Qafë Murriz mbi 300 persona ndër të cilët shumë fëmijë.

Pas shumë thirrjeve të familjarëve të bllokuar në Qafë Murriz, nga Tirana u nis një borëpastruese në drejtim të vendit ku janë bllokuar 300 persona, por për shkak se rruga është bllokuar nga makinat e që kanë rrëshqitur nga akulli ose janë bllokuar në borë, fadroma u kthye sërish pas.

Në fund, pasi qetësinë e fundjavës nuk e trazuan as Kryeministri dhe as Ministrja e Transportit që zakonisht flejnë në Facebook, reagoi Policia e Shtetit, evakuuoi një familje të bllokuar në një automjet në Bypassin në Qafë Murriz, për shkak të reshjeve të dendura të dëborës, dhe premtoi se do bëhet evakuimi i të gjithë pasagjerëve të automjeteve që janë bllokuar.

Ndryshe, nga reshjet e dendura të dëborës, problematika në rrugë ka edhe në Qarkun e Kukësit, Shkodrës, Korçës dhe Gjirokastrës, ku qytetarët thonë se rrugët janë të pakalueshme ndërsa ARRSH thotë se ekipet në terren po punojnë në pastrimin e borës.

Njoftim:

Policia Rrugore e Dibrës iu jep ndihmë dy fëmijëve dhe prindërve të tyre, që ishin bllokuar në automjet, dhe i transporton me makinën e një punonjësi policie.

Shërbimet e Policisë Rrugore të pozicionuar në bypass në Qafë Murrizë, gjatë kontakteve me drejtuesit e automjeteve që janë në pritje të hapjes së këtij aksi rrugor, pasi vijon ende të jetë i bllokuar si pasojë e motit të keq me reshje të dendura të dëborës, kanë marrë informacion se në një automjet ndodheshin të bllokuar dy fëmijë.

Ndërkohë, shërbimet e Policisë kanë marrë masa që me automjete të kalueshmërisë së lartë, të bëjnë evakuimin e pasagjerëve që ndodhen në automjete ne bypass Qafë Murrizë, për t’i nxjerrë nga zona ku kanë mbetur të bllokuar dhe për t’i transportuar në destinacion, në Klos, Bulqizë.

Menjëherë, shërbimet e Policisë Rrugore kanë shkuar te automjeti, ku kanë marrë fëmijët dhe prindërit e tyre. Më pas, me një automjet privat të një punonjësi të Policisë kanë bërë transportimin e tyre në destinacion.

Si pasojë e reshjeve të dendura të dëborës, bypass në Qafë Murrizë vijon të jetë i bllokuar, ndërkohë që borëpastrueset vijojnë punën pandërprerë, për të bërë të mundur hapjen e rrugës.

Policia e Dibrës përgjatë ditës së sotme ka apeluar që drejtuesit e automjeteve të përdorin aksin rrugor Klos-Burrel-Ulëz.

Shërbimet e Policisë, pavarësisht kushteve të vështira të motit, ndodhen në krye të detyrës, për t’iu dhënë ndihmë të gjithë përdoruesve të rrugës, në rast nevoje, dhe apelojnë edhe një herë për shmangie të qarkullimit në rrugën e Arbrit, deri sa të ketë një njotim zyrtar për hapjen e plotë të këtij aksi rrugor.

Gjithashtu, nisur nga fakti se në të gjitha akset rrugore ka prezencë të madhe të lagështirës dhe kufizimi i shikueshmërisë për shkak të errësirës e rrit rrezikun për përfshirje në ngjarje rrugore, Policia Rrugore apelon që dejtuesit e automjeteve të moderojnë shpejtësinë, të ruajnë distancën dhe në rast nevoje të telefonojnë në numrin pa pagesë 112.