Reshje bore/ Gjendja e rrugëve, ARRSH: Kujdes me shpejtësinë, ja ku duhet të përdorni zinxhirë…

Për shkak të reshjeve të borës dhe temperaturave të ulëta, Autoriteti Rrgor Shqiptar, ARRSH, rekomandon përdoruesit e rrugës që të bëjnë kujdes, të lëvizin me shpejtësi të reduktuar dhe të përdorin gomat e dimrit si dhe të respektojnë sinjalistikën rrugore.

Ndërsa për gjendjen aktuale në akset kryesore të vendit, dhe ku rekomandohet përdorimi i zinxhirëve, ARRSH jep këtë pasqyrë:

Në Rajonin Verior Shkodër: Kontraktorët kanë punuar gjatë gjithë natës dhe vazhdojnë të punojnë për pastrimin dhe shpërndarjen e kripës.
Në të gjitha akset e këtij Rajoni ka përmirësim të dukshëm të gjendjes së akseve.

Në Rajonin Qendror Tiranë: Puna nga ana e kontraktorëve vazhdon për pastrimin e akseve dhe shpërndarjen e kripës.

Në Rajonin Jugor Gjirokastër: Gjatë gjithë natës kontraktorët kanë punuar dhe vazhdojnë të punojnë për pastrimin dhe shpërndarjen e kripës.
Në të gjitha akset kombëtare të këtij Rajoni ku përfshihen rrugët e qarkut të Korçës, Vlorës dhe Gjirokastrës qarkullimi kryhet pa zinxhir.

Segmentet rrugore ku rekomandohen zinxhirët:

– Qafë Mali-Fierzë
– Ura e Cerenecit-Steblevë
– Qafë Bualli-Krastë
– Trebisht-Doganë

Segmentet rrugore ku rekomandohen pjesërisht me zinxhir

– Kuben-Vasije
– Peshkopi-Qafë Draje
– Peshkopi-Ushtelencë
– Domaj-Draj Rec
– Bulqizë-Fushë Bulqizë

Në këto akse qarkullohet pjesërisht me zinxhir. 

– Rrugët e Dajtit (Qafë Priskë – Qafë Mollë, Qafë Priskë – Shëngjergj) 
– Rruga Lunik –Steblevë
– Krujë-Sarisalltik Në akset e tjera të këtij Rajoni qarkullimi kryhet normalisht pa zinxhirë.